އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ނިޒާމު ތައާރަފުކޮށް މިދިޔަ 15 އަހަރު އެ ނިޒާމު ހިނގަމުން ދިޔަ ގޮތަށް ބޮޑު ބަދަލެއް އަންނާނޭ ކަމެއް ކޮށްފި އެވެ. 

އަތޮޅު ކައުންސިލްތައް އުވާލާ ގޮތަށް ގާނޫނުއަސާސީއާއި ލޯކަލް ކައުންސިލްތަކުގެ އިންތިހާބުގެ ގާނޫނާއި ލާމަރުކަޒީ ގާނޫނަށް މަޖިލީހުން ގެނައި އިސްލާހުތައް ރައީސް ޑރ. މުހައްމަދު މުއިއްޒު ތަސްދީގު ކުރައްވައިފި އެވެ. 

މީގެ އިތުރުން ރަށު ކައުންސިލްތަކުގެ މެންބަރުންގެ އަދަދު ވެސް މިއާއެކު މަދުވާނެ އެވެ. އެއީ 2000އަށްވުރެ ބޮޑު އާބާދީގެ ރަށްރަށުގައި 5 ކައުންސިލަރުން އަދި އެއަށްވުރެ ކުޑަ އާބާދީގެ ރަށްރަށުގައި ތިން ކައުންސިލަރުންނެވެ.

ކުރިން އޮތް ގޮތަކީ 3000އަށްވުރެ ބޮޑު އާބާދީގެ ރަށްރަށުގައި 7 ކައުންސިލަރުން އަދި އެއަށްވުރެ ކުޑަ އާބާދީގެ ރަށްރަށުގައި 5 ކައުންސިލަރުންނެވެ.