ރާއްޖެ ދުށް އެންމެ މޮޅު ސްޓްރައިކަރު އަލީ އަޝްފާގު (ދަގަނޑޭ) ގެ ކަނާތު ފައިގެ މެނިކަސް ސާޖަރީއެއް މިދިޔަ ބުރާސްފަތި ދުވަހު ހަދައިފި އެވެ. 

ދިވެހިރާއްޖޭގެ ގްރޭޓެސްޓް އޮފް އޯލް ޓައިމް (ގޯޓް) އަޝްފާގަށް ލިބުނު އަނިޔާއާ އެކީ، އޭގެ އަދާހަމައެއްގެ އިންތިޒާރުގައި ސަޕޯޓަރުން ތިއްބައި، އެ ތަފްސީލް ދިނީ އަހުމަދު މުބީން ފޭސްބުކްގައި ކުރެއްވި ޕޯސްޓެއްގަ އެވެ. 

ނިއު ރޭޑިއަންޓްގެ ޗެއާމަން މުބީން ވިދާޅުވީ އެ ކްލަބްގެ ގިނަ ސަޕޯޓަރުން ވެސް މި ދުވަސްކޮޅު އެންމެ ގިނައިން ކުރާ ސުވާލަކީ އަޝްފާގު ޓީމުން ފެންނާނީ ކޮން ދުވަހަކުން ތޯ އެވެ. 

"އަޝްފާގުގެ ކަނާތު ފައިގެ މެނިސްކަސްގެ ސާރޖަރީ ނުކޮށް ކުރިއަށް ދެވެންނެތީ،"

"އިރާދަކުރެއްވިއްޔާ އިއްޔެ ޓްރީޓްޕް ހޮސްޕިޓަލްގައި ކުރެވުނު އޮޕަރޭޝަނަށްފަހު ދާދިއަވަހަށް އަޝްފާގު ދަނޑުމަތިން ފެނިގެންދާނެ،" މުބީން ލިއުއްވާފައިވެ އެވެ. 

ވަރަށް އަވަހަށް ދަނޑުމަތިން ފެނިދާނެ ކަމަށް މުބީން ވިދާޅުވި ނަމަވެސް އެ ދުވަހެއް ވިދާޅެއް ނުވެ އެވެ.