އަނިޔާވެރިކަމުން ދެމެހެއްޓުނު ވެރިކަމެއް ނެތް ކަމަށް މި ސަރުކާރުގެ ސުޕް މެޖޯރިޓީ އޮންނަ ރައްޔިތުންގެ މަޖިލީހުުން ވަކިކުރި ސުޕްރީމް ކޯޓުގެ ކުރީގެ ފަނޑިޔާރު މަހާޒު އަލީ ވިދާޅުވެއްޖެ އެވެ.

އޭސީސީން ބަލަމުންދިޔަ މައްސަލައަކާ ގުޅިގެން ސުޕްރީމް ކޯޓުގެ ކުރީގެ ފަނޑިޔާރު އަޒްމިރާލްދާ އާއި  މަހާޒްގެ މައްސަލައެއް ބަލައި އެ ދެ ފަނޑިޔާރުން މަޖިލީހުން ވަކިކުރި އެވެ.

އެ ދެ ފަނޑިޔާރުންގެ އިތުރުން ސުޕްރީމް ކޯޓުގެ ފަނޑިޔާރު ހުސްނުއްސުއޫދުގެ މައްސަލަ ވެސް އޭރު ޖޭއެސްސީން ބެލި އެވެ.

ދެ ބޭފުޅުން ވަކިކުރިތާ 200 އަށް ވުރެ ގިނަ ދުވަސްވީއިރު ވެސް އޭސީސީން ބަލަމުންދާ މައްސަލަ ތަހުގީގުނުކޮށް ބާއްވާފައި އޮތުމަށް ފަހު ޖޭއެސްސީން ތައްޔާރުކުރި ރިޕޯޓު ވަނީ ހޯދާފަ އެވެ. 

އެ ހަބަރު ލިޔެފައިވާ ޕޯސްޓެެއް ހިއްސާކޮށް ފޭސްބުކް ގައި މަހާޒު ވިދާޅުވީ ކޮންމެ ވެރިކަމެއްގެ ''ދަޅު ފުލުގައި'' މުއްދަތު ހަމަވާ ތާރީހެއްވާ ކަމަށެވެ. 

'' މިއީ އަނިޔާވެރިންގެ އަނިޔާއެވެ. އަނިޔާވެރިކަމުން ދެމެހެއްޓުނު ވެރިކަމެއް ނެތް'' މަހާޒު ވިދާޅުވި އެވެ.