ވެލާނާ އިންޓަނޭޝަލް އެއާޕޯޓު (ވީއައިއޭ) އިން ބޭންކް އޮފް މޯލްޑިވްސް (ބީއެމްއެލް) ގެ ޑޮލަރު ބްރީފްކޭސް ފޭރުނު މައްސަލައިގައި މިހާތަނަށް ޖުމުލަ 7 މީހަކު ބަންދުކޮށް އެއިން ހަތަރު މީހަކު ފުރުން މަނާކޮށްފި އެވެ. 

މޫނު ނިވާކޮށްގެން ތިބި ބަޔަކު ގޮސް، އެއާޕޯޓް ދެ ޓާމިނަލުގެ މެދުގައި އޮންނަ ވޯކްވޭއިން ގެންދަނިކޮށް ފޭރިގަތީ 100,000އަށް ވުރެ ގިނަ ޑޮލަރެވެ. އެއީ މިދިޔަ އޮކްޓޯބަރު މަހުގެ 27 ވަނަ ދުވަހުގަ އެވެ.

ހަމަ އެ ދުވަހު އެ މައްސަލާގައި ހަތަރު މީހަކު ހައްޔަރުކޮށް ޝަރީއަތް ނިމެންދެން ބަންދުކޮށްފައިވެ އެވެ. މިދިޔަ ހަފުތާގައި އިތުރު ތިން މީހަކު ހައްޔަރުކޮށް ޝަރީއަތް ނިމެންދެން ބަންދުކޮށްފައިވެ އެވެ.

ހައްޔަރުކުރި މީހުންނަކީ: 

• އަބްދުލްއައްވަލް އިބްރާހިމް އަބޫބަކުރު، ބިނާ / ގއ. ވިލިނގިލި (27އ)
• އަހުމަދު މާހިދު، އެހީވާގެ / ތ. ވިލުފުށި (44އ)
• އަލީ އަފްޒަލް، ވަށަގުލިމާގެ / ސ. ހިތަދޫ (21އ)
• މާޒިން މޫސާ, ރޭޝަމް / ލ. މާވަށް (25އ)
• އަހުމަދު ރައިހާން ނައީމް، މާފަންނު ކްރޮސް / މާލެ (20އ)
• އިބްރާހީމް އަނޫފް، އަޅިވިލާގެ / ކ. ގުރައިދޫ (24އ)
• ހުސައިން ޝަހުދު، އަޅިވިލާގެ / ކ. ގުރައިދޫ (30އ)