އަދާލަތު ޕާޓީގެ ރައީސްގެ މަގާމަށް، މިހާރު އެ ޕާޓީގެ ނައިބު ރައީސްގެ މަގާމުގައި ހުންނެވި މުހައްމަދު ޝިފާން އިންތިހާބުކޮށްފި އެވެ.

އަދާލަތު ޕާޓީގެ 4 ވަނަ ދައުރުގެ ރައީސް ހޮވަން އިއްޔެ ބޭއްވި އިންތިހާބުގައި ވާދަކުރެއްވީ ސިފާން އަދި އިކުރާމް އަބްދުއްސައްތާރު އެވެ.

ޝިފާން އިންތިހާބު ކާމިޔާބުކުރެއްވީ ވޯޓުލީ މީހުންގެ %99 ވޯޓު ހޯއްދަވައިގެންނެވެ. އޭނާގެ ރަނިންމޭޓުގެ ގޮތުގައި ބައިވެރިވެ ޕާޓީގެ ނައިބު ރައީސްގެ މަގާމަށް ހޮވިވަޑައިގަތީ އަބްދުﷲ ރަޝީދު އެވެ.

އަދާލަތުން ބުނީ އެ އިންތިހާބުގައި ވޯޓުލީ، ވޯޓުލެވޭ މީހުންގެ ތެރެއިން %22 މީހުން ކަމަށާއި، ވޯޓުލުން ކުރިއަށްގެންދިޔައީ މޯލްޑިވްސް ސެކިއުރިޓީ ޑިޕޮސިޓަރީގެ އޮންލައިން ޕޯޓަލް، ފަހިވޯޓު މެދުވެރިކޮށް ކަމަށެވެ.

އިންތިހާބުގައި ވޯޓުލުމުގެ ހައްގު 8،340 ލިބިފައިވާއިރު، ތެރެއިން ވޯޓުލީ 1،835 މީހުންނެވެ.