އދ. ދިގުރަށުން މާލެއަށް ދަތުރުކުރަމުންދިޔަ 'ހުވަން' ލޯންޗު ފެތިގެންއުޅޭ ކަމަށް ފުލުހުންނަށް މަޢުލޫމާތު ލިބިފައިވަނީ މިއަދު ހެނދުނު 07:57 ގައެވެ. އެ އުޅަނދުގައި 45 ފަސިންޖަރުންނާއި 3 ފަޅުވެރިން ތިއްބެވެ.

 
ފުލުހުންގެ އެމެޖެންސީ ރެސްޕޮންސް ޓީމުތައް ވަގުތުން ވަނީ ލޯންޗުގައި ތިބި ހުރިހާ ޕަސެންޖަރުން ރައްކާތެރިކަމާއެކު ދިގުރަށަށް ގެނެސްފައެވެ. މީގެ ތެރޭގައި 4 ކުޑަކުދިން ތިއްބެވެ. އެންމެންވެސް ތިބީ ދުޅަހެޔޮ ހާލަތުގައެވެ.

މިކަމާ ގުޅިގެން ފުލުހުން ވިދާޅުވެފައިވަނީ މި ހާދިސާ ހިނގި ސަބަބު ދެނެގަތުމަށް ފުރިހަމަ ތަޙްޤީޤެއް ކުރެވެމުންދާކަމަށްށެވެ.