އައްޑޫ ސިޓީ ސްކޫޕް ގްރޫޕް އަކީ ކުށް ކުރާ ގޭންގެއް ކަމަށް ކަނޑައަޅައިދިނުމަށް އެދި ޕްރޮސެކިއުޓަ ޖެނެރަލް (ޕީޖީ) އޮފީހުން ހައި ކޯޓަށް ހުށަހަޅައިފި އެވެ. 

ޕީޖީ އޮފީހުން ވަނީ އެ ގްރޫޕްގެ މެންބަރުންގެ ގޮތުގައި 9 މީހަކު ކަނޑައަޅައިދިނުމަށް ވެސް ހައި ކޯޓުގައި އެދިފަ އެވެ. 

ޕީޖީ އޮފީހުން ބުނި ފުލުހުން އެ އޮފީހަށް ހުށަހެޅި ހުށަހެޅުމާއި ހެކިތައް ދިރާސާކުރި އިރު އައްޑޫގެ އެ ގްރޫޕަކީ ގާނޫނުގައި ބަޔާންކުރާ ޝަރުތުތައް ފުރިހަމަވާ، މިހާރު ވެސް ކުށްކުރުމުގައި ހަރަކާތްތެރިވާ ގްރޫޕެއް ގޮތުގައި އެ އޮފީހަށް ފެނެ އެވެ. 

މިއީ ގޭންގު ތަކުން ހިންގާ ކުށްތަކާއި އެ ނޫން ވެސް ނުރައްކާތެރި ކުށްތައް ހުއްޓުވުމުގެ ގާނޫނުގެ ދަށުން ކުށްކުރާ ގްރޫޕެއް ކަނޑައަޅަން ހައި ކޯޓަށް ހުށަހެޅި ފުރަތަމަ ފަހަރެވެ. 

ޕީޖީ އޮފީހަށް މިއީ ދެވަނަ ހުށަހެޅުމެވެ. އެންމެ ފުރަތަމަ ފުލުހުން ހުށަހެޅި ހުށަހެޅުން ފުރިހަމަ ނުވާ ކަމަށް ބުނެ އެ ގްރޫޕްގެ ރިޕޯޓް ފުރިހަމަ ކުރުމަށް ޕީޖީން އެދުނެވެ. ފުލުހުންގެ ތަހުގީގު ބިންމައި، ފުރިހަމަ ރިޕޯޓެއް ހުށަހެޅުމުން އެ ގްރޫޕްގެ މައްސަލަ ވެސް ހައި ކޯޓަށް ހުށަހަޅާނެ ކަމަށް ޕީޖީ އޮފީހުން ބުންޏެވެ. 

 ގޭންގުތަކުން ހިންގާ ކުށްތަކާއި އެނޫންވެސް ނުރައްކާތެރި ކުށްތައް ހުއްޓުވުމުގެ ޤާނޫނުގެ ދަށުން "އިންތިޒާމުވެފައިވާ ކުށްކުރާ ގްރޫޕް" އެއްގައި ހުންނަންޖެހޭ ޝަރުތުތައް ފުރިހަމަވާ، އަދި މިހާރުވެސް ކުށްކުރުމުގައި ހަރަކާތްތެރިވާ ގްރޫޕެއްކަމަށް މި އޮފީހަށް ފެނެއެވެ.