އައްޑޫ ސިޓީ ހިތަދޫ އަދި ހުޅުމީދޫ ލިންކް ޕްރޮޖެކްޓްގެ ސާރވޭ ޑިޒައިން އަދި ޓެންޑާރ ޑޮކިއުމަންޓް، ޓެކްނިކަލް ސްޕެސިފިކޭޝަން ހިމެނޭ ގޮތަށް ތައްޔާރު ކުރުމުގެ މަސައްކަތުގެ ކޮންސަލްޓަންސީ ސާރވިސް ދޭނެ ފާރމެއް ހޯދުމަށް އިއުލާންކޮށްފި އެވެ. 

މިއަދު ގެޒެޓުގައި ކޮށްފައިވާ މި އިޢުލާނުގައި ވާގޮތުން މި ކަމަށް ޝަރުތު ހަމަވާ ޝައުގުވެރިކަން ހުރި ފަރާތްތަކަށް  ފުރުސަތު ހުޅުވާލެވިފައި ވާކަމަށް ލިޔެފައި ވެއެވެ. 

މަސައްކަތުގެ ގާބިލުކަން ސާބިތުކޮށްދޭ ލިޔެކިޔުންތަކާއި އެކީ ކޮށްފައިވާ މަސައްކަތުގެ ތަފްސީލް އާއި މަސައްކަތުގެ އަގު އިނގޭނެހެން ހުށައެޅުމަށްވެސް އިއުލާނުގައި ވެއެވެ.

3މާރިޗް 2025 ވާ ހޯމަ ދުވަހުން ފެށިގެން "މިނިސްޓްރީ އޮފް ފިނޭންސް އެންޑް ޕްލޭނިންގް" ގެ ވެބްސައިޓްއިން ފޯމް ޑައުންލޯޑް ކުރެވެން ހުންނާނެ ކަމަށާއި، 24މާރިޗް 2025 ވާ ހޯމަ ދުވަހުގެ 13:00 ނިޔަލަށް ފުރުސަތު ހުޅުވާލެވިފައި ވާނެ ކަމަށްވެސް އިޢުލާންގައި ވެއެވެ.