މީހުން ދިރިއުޅޭ 75 ރަށެއްގައި ފުލުހުންގެ އުމްރާނީ ބިނާތަކެއް އެޅުމަށް ހަވާލުކޮށްފި އެވެ.

ރޭ ބޭއްވި ރަސްމިއްޔާތެއްގައި އެއްބަސްވުންތަކުގައި ސޮއިކޮށް މަސައްކަތް ހަވާލުކުރީ ސަރުކާރުގެ ތިން ކުންފުންޏަކަށެވެ.

އެމްޓީސީސީއާއެކު ސޮއިކުރީ 15 ރަށެއްގެ މަޝްރޫއެވެ. އާރްޑިސީއާއެކު 20 ރަށެއްގެ މަޝްރޫއެވެ. އަދި ފެނަކައާއެކު 40 ރަށެއްގެ މަޝްރޫއެވެ.

ފުލުހުން ނެރުނު ބަޔާނުގައިވާ ގޮތުން މާލެ ވެސް ހިމެނޭ ގޮތަށް ފުލުހުންގެ 91 އަހަރުވީ ދިގު ތާރީހުގައި މިހާތަނަށް ރާއްޖޭގައި ހުރީ ޖުމްލަ 17 އަމިއްލަ ޝްޓޭޝަންތަކެވެ.

އަދި މި ދައުރު ފެށިގެން ދިޔައިރު 70 ރަށެއްގައި ފުލުހުންގެ ހިދުމަތް ގާއިމް ކުރެވިފައި ނުވެއެވެ.

މަޝްރޫއު ނިމިގެންދާއިރު ރާއްޖޭގެ ދެބައިކުޅަ އެއްބައި މީހުން ދިރިއުޅޭ ރަށްތަކުގައި ފުލުހުންގެ އަމިއްލަ، ޒަމާނީ މަރުކަޒުތައް ގާއިމްކުރެވިގެންދާނެ ކަމަށާއި، ފުލުހުންގެ ބަޖެޓްގެ ރިކަރަންޓް ހަރަދު ކުޑަކޮށް، ހިދުމަތް ދިނުމަށް ކުރެވޭ ހޭދަ އިތުރު ވެގެންދާނެ ކަަމަށް އެއްބަސްވުމުގައިވެ އެވެ.