ރާއްޖެއަށް ހަތް ކިލޯއަށްވުރެ ގިނަ މަސްތުވާތަކެތި އެތެރެކުރަން މަސައްކަތްކުރި 10 ބިދޭސީން އަތުލައިގެންފި އެވެ.

ހުކުރު ދުވަހު ލިބުނު މައުލޫމާތަކާ ގުޅިގެން ދަންވަރު ހިންގި ޖޮއިންޓް އޮޕަރޭޝަނެއްގައި މާލެ ސަރަހައްދުން ބޯޓެއް ބަލައި ފާސްކޮށް މަސްތުވާތަކެތި ކަމަށް ތުހުމަތުކުރެވޭ 7 ކިލޯއަށްވުރެ ގިނަ ތަކެތި ފެނިފައިވާކަމަށް ފުލުހުން ބުނެ އެވެ. މި އޮޕަރޭޝަން ހިންގާފައި ވަނީ ފުލުހުންނާ ސިފައިން ގުޅިގެންނެވެ. 

ހައްޔަރުކުރި 10 މީހުންނަކީ:

1. ނަސްވަން އާދިލް (30އ) / އިންޑޮނޭޝިއާ
2. އެޑްރިއަންސަޔާ (25އ) / އިންޑޮނޭޝިއާ
3. މުހައްމަދު އިގްބާލް މަކްރޫމް (30އ) / އިންޑޮނޭޝިއާ
4. ޕްރަބާކަރަން ނަގަރާޖަން (35އ) / އިންޑިއާ
5. ރޯމަންސް ސަންތިޔާ ފެނާންޑޯ (58އ) / އިންޑިއާ
6. ގަނޭޝް ބޮމްމާލީ (22އ) / އިންޑިއާ
7. ޑަތުކިލޭ ދަރްޝަން ވިޖޭ (22އ) / އިންޑިއާ
8. ޕީޓާ ވިނީ (28އ) / އިންޑިއާ
9. ސަރަން ޕަދްމަން (28އ) / އިންޑިއާ
10. ގޯސިކް ރާޖް ޖޭމްސް ނޮކްސް (30އ) / އިންޑިއާ

އެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ފަސް މީހަކު 5 ދުވަހަށް އަދި ފަސް މީހަކު އެއް ދުވަހަށް ބަންދުކުރުމަށް ވަނީ އަމުރުކުރި އެވެ.

އެއް ދުވަހަށް ބަންދުކުރުމަށް އަމުރު ކުރި މީހުންގެ ބަންދު އިތުރު ކުރުމަށް މިއަދު ހާޒިރު ކުރުމުން އެކަކު އިތުރު ތިން ދުވަހަށް އަދި ހަތަރު މީހަކު 15 ދުވަހަށް ބަންދުކުރުމަށް ވަނީ އަމުރުކޮށްފައެވެ. 

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.