ރާއްޖޭގެ 6 ސަރަހައްދެއްގައި ޔޫތު ހަބް އެޅުމަށް ނިންމާފައިވާ ކަމަށް ޒުވާނުންގެ ތަރައްގީގެ ވަޒީރު އިބްރާހީމް ވަހީދު (އަސްވާޑް) މިއަދު ވިދާޅުވެއްޖެ އެވެ.

ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ވަޒީރު ފުރަތަމަ ފާހަގަކުރެއްވީ މިހާރު ވެސް މާލޭގައި އެފަދަ ހަބެއް ގާއިމުކޮށްފައިވާ ކަމަވެ.

ރާއްޖޭގެ އެކި ކަންކޮޅުތަކުގައި ޒުވާނުންގެ ހަބް ހަދާނެ ކަމަށް ވަޒީރު ވިދާޅުވި އެވެ. ދެން ހަބް ގާއިމުކުރާނީ ހަތަރު ސިޓީއާއި އިތުރު ދެ ސަރަހައްދެއްގަ އެވެ:

1. އައްޑޫ ސިޓީ
2. ފުވައްމުލައް ސިޓީ
3. ކުޅުދުއްފުށި ސިޓީ
4. ތިނަދޫ ސިޓީ
5. އިތުރު އެހެން ސަރަހައްދެއް
6. އިތުރު އެހެން ސަރަހައްދެއް

ހަތަރު ސިޓީގެ އިތުރުން ދެން މި ހަބް ގާއިމުކުރާ ސަރަހައްދުތަކެއް ވަޒީރު ވިދާޅެއް ނުވެ އެވެ.

މި ހަބްތަކުގެ ބޭނުމަކީ މުނިފޫހިފިލުވުމާއި ކުޅިވަރު ހަރަކާތްތަކުގެ އިތުރުން ޖަމިއްޔާޖަމާއަތްތަކުން ހިންގާ ރާވަން ބޭނުންވާ މަދަނީ، އިޖުތިމާއީ އަދި ތައުލީމީ ހަރަކާތްތައް ބާއްވާނެ ޖާގަތައް ދޫކުރުމެވެ.