މޯލްޑިވްސް ކަސްޓަމްސް ސާވިސަސްއިން ހިފަހައްޓާފައި ހުރި 3 މިލިއަނަށްވުރެ ގިނަ ސިނގިރޭޓު  ނައްތާލައިފި އެވެ.

އެ އިދާރާއިން އިއްޔެ ނައްތާލާފައިވަނީ 3,183,040 (ތިން މިލިއަން އެއްލައްކަ އަށްޑިހަ ތިންހާސް ސާޅީސް) ސިނގިރޭޓް ސްޓިކްސް / 199 ކޭސް ސިނގިރޭޓް އެވެ.

ކަސްޓަމްސް އިން ބުނީ އެތަކެއްޗަކީ ގާނޫނާ ގަވާއިދާ ހިލާފަށް ރާއްޖެއަށް އެތެރެކުރަން އުޅެނިކޮށް ކަސްޓަމްސްގެ ބަލައިފާސްކުރުމުގެ ތެރެއިން ހޯދިފައިވާ ތަކެތި ކަމަށެވެ.

މި ތަކެތި ނައްތާލާފައިވަނީ ކ. ދޫނިދޫ ގައި ކަސްޓަމްސް އޮފިސަރުންނާއި މީޑިއާގެ ހާޒިރުގަ އެވެ.

ކަސްޓަމްސް އިން ތިން މިލިޔަން ސިނގިރޭޓު މިއަދު އަންދާލާފައިވާއިރު ކަސްޓަމްސް އިން ހިފަހައްޓައި، އެމްޕީއެލްގެ ބެލުމުގެ ދަށުގައި ހުރި ދެ ކޮންޓޭނަރު ސިނގިރޭޓު ގެއްލުނު މައްސަލައެއް ފެންމަތިވެފއިވެ އެވެ.