ދައުލަތުގެ ބަޖެޓުން މީޑިއާތަކަށް ފައިސާ ދޫކުރުމަށް ކަނޑައެޅި އުސޫލުގެ ތެރެއިން ފައިސާ ދޫކުރާ މީޑިއާތަކުގެ ނަންތަކާއި ކޮންމެ މީޑިއާއަކަށް ދޫކުރާ ފައިސާގެ އަދަދު މީޑިއާތަކުގެ މަސްއޫލިއްޔަތު ހަވާލުކޮށްފައިވާ ވުޒާރާއިން އާންމުކޮށްފި އެވެ.

މިއީ ރައީސް މުހައްމަދު މުއިއްޒުގެ ރިޔާސީ ވައުދެކެވެ. އަދި ސަރުކާރުން މި ކަން ކުރުމަށް ނިންމާފައިވަނީ ޒުވާނުންގެ ވުޒާރާ މެދުވެރިކޮށެވެ. އެ ވުޒާރާއަށް ފަންނުވެރިންނާއި މީޑިއާތަކާ ގުޅުން ހުރި މަސައްކަތްތައް ހިމަނާފައިވެ އެވެ.

ޒުވާނުންގެ ވުޒާރާއިން އާންމުކުރި ގޮތުގައި ފައިސާ ދޫކުރާ މީޑިއާތަކަކީ:

1. ސަންގު ޓީވީ 3.810 މިލިއަން އަދި ސަންގު އޮންލައިން 1.305 (ޖުމުލަ 5.115 މިލިއަން)
2. ވީޓީވީ 3.010 މިލިއަން އަދި ވީނިއުސް 1.116 މިލިއަން (ޖުމުލަ 4.126 މިލިއަން)
3. އެސްއެސްޓީވީ 2.972 މިލިއަން އަދި ސަން އޮންލައިން 1.334 މިލިއަން (ޖުމުލަ 4.306 މިލިއަން)
4. ވަން 1.378 މިލިއަން 
5. ވޮއިސް 1.363 މިލިއަން
6. ދަޕްރެސް 1.349 މިލިއަން
7. ދައުރު 1.305 މިލިއަން
8. މިހާރު 1.291 މިލިއަން އަދި ދަ އެޑިޝަން 1.175 މިލިއަން (ޖުމުލަ 2.466 މިލިއަން)
9. ތިލަދުން 1.218 މިލިއަން
10. އަދަދު 1.175 މިލިއަން
11. ތީރު 1.145 މިލިއަން
12. ދިޔަރެސް 1.102 މިލިއަން
13. ގާފު 1.030 މިލިއަން
14. މަލްދީފު 899،198