މިދިޔަ އަންގާރަ ދުވަހުގެ ނިޔަލަށް ރާއްޖެއަށް ބައި މިލިއަނަށް ވުރެ ގިނަ ފަތުރުވެރިން އައިސްފައިވާ ކަމަށް ފަތުރުވެރިކަމާ ބެހޭ ވުޒާރާގެ ތަފާސްހިސާބުތަކުން ދައްކައިފިއެވެ. 

ފަތުރުވެރިކަމާ ބެހޭ ވުޒާރާއިން އާއްމުކޮށްފައިވާ ތަފާސްހިސާބުތައް ދައްކާ ގޮތުގައި މިދިޔަ އަންގާރަ ދުވަހުގެ ނިޔަލަށް ރާއްޖެއަށް ވަނީ 500،233 ފަތުރުވެރިން ރާއްޖެ އައިސްފައެވެ.
މިދިޔަ އަހަރުގެ މި މުއްދަތުގައި ރާއްޖެ އައީ 478،416 ފަތުރުވެރިންނެވެ.

ތަފާސްހިސާބުތައް ދައްކާ ގޮތުގައި ކޮންމެ ދުވަހު ރާއްޖެއަށް އެވްރެެޖުކޮށް 6,480 ފަތުރުވެރިން އާދެއެވެ/

ރާއްޖެއަށް އެންމެ ގިނަ ފަތުރުވެރިން އަދިވެސް އައިސްފައިވަނީ ޗައިނާއިންނެވެ. ދެ ވަނައަށް އިނގިރޭސިވިލާތުގެ ފަތުރުވެރިން އައިސްފައިވާއިރު ތިން ވަނަ އަށް އެންމެ ގިނައިން ފަތުރުވެރިން އައީ ރަޝީއާއިންނެވެ. 

ރާއްޖެއަށް މިދިޔަ އަންގާރަގެ ނިޔަލަށް އައި ފަތުރުވެރިންގެ 69 ޕަސަންޓު ނުވަތަ 345,495 ފަތުރުވެރިން އައީ ރިސޯޓުތަކަށެވެ. ދެން އެންމެ ގިނައިން ފަތުރުވެރިން އައީ ގެސްޓްހައުސްތަކަށެވެ. އެއީ 25 ޕަސެންޓެވެ. ލިވަބޯޑްތަކަށް 5 ޕަސަންޓު ފަތުރުވެރިން އައިއިރު، ހޮޓެލް ތަކަށް އަދީ އެންމެ ދެ ޕަސަންޓު ފަތުރުވެރިންނެވެ، 

މިދިޔަ އަހަރަކީ ރާއްޖޭގެ ޓޫރިޒަމްގެ 52 އަހަރުގެ ދިގު ތާރީހުގައި މީގެ ކުރިން އަހަރު ދުވަހުގެ ތެރޭގައި ދެ މިލިއަން ފަތުރުވެރިން އައި ފުރަތަމަ އަހަރެވެ.  ސަރުކާރުން މި އަހަރަށް ކަނޑައަޅާފައިވާ އަމާޒަކީ 2.3 މިލިއަން ފަތުރުވެރިން ގެނައުމެވެ.