ރޮކް މިއުޒިކަށް ރާއްޖޭގައި އެންމެ ކުޅަދާނަ އެއް ބޭންޑް ކަމަށްވާ "ޓްރެފިކް ޖޭމް" ގެ ލޯގޯ ބަދަލުކޮށްފި އެވެ. 

ޓްރެފިކް ޖޭމްގެ ފަހުގެ ލޯގޯ އިން ފެންނަނީ ތަރިއެއްގެ އެއް ފަޅިވަކިކޮށްލާފައިވާތަނެވެ. 

ޓްރެފިކް ޖޭމުން ބުނީ  އާ ލޯގޯ އިން ދައްކުވައިދެނީ މުޖުތަމައުގައި ކުރިމަތިވާ ގޮންޖެހުންތައް ކަމަށެވެ. ލޯގޯގައި ތަރިން ފަޅައިގެން ގޮސްފައިވާ ތުންފަތް ދައްކުވައިދެނީ ކޮރަޕްޝަނާއި އަނިޔާ އާއި ހަމަނުޖެހުންތަކުގެ ސަބަބުން ލިބޭ ގެއްލުންތަކެވެ.

ހަތަރު މެމްބަރުން ހިމެނޭ "ޓްރެފިކް ޖޭމް" ވުޖޫދުވީ 2005 ވަނަ އަހަރު އެވެ. އެ ބޭންޑުން ވަނީ މިހާތަނަށް ވަރަށް ވަރުގަދަ ލަވަތަކެއް ވެސް ގެނެސްދީފަ އެވެ. "ޓްރެފިކް ބޭންޑް" އަކީ ރާއްޖޭން ބޭރުގައި ވެސް މަޝްހޫރުކަން ހޯދާފައިވާ ބޭންޑެކެވެ.

ހަތަރު މެމްބަރުން ހިމެނޭ "ޓްރެފިކް ޖޭމް" ވުޖޫދުވީ 2005 ވަނަ އަހަރު އެވެ. އެ ބޭންޑުން ވަނީ މިހާތަނަށް ވަރަށް ވަރުގަދަ ލަވަތަކެއް ވެސް ގެނެސްދީފަ އެވެ. "ޓްރެފިކް ބޭންޑް" އަކީ ރާއްޖޭން ބޭރުގައި ވެސް މަޝްހޫރުކަން ހޯދާފައިވާ ބޭންޑެކެވެ.

ޓްރެފިކް ޖޭމްގެ ލަވަތައް ޒުވާނުންގެ މެދުގައި މަގްބޫލުކަން ހޯދާފައި ވަނީ އެމީހުންނާ ގުޅޭ މައްސަލަތަކާއި އިޖުތިމާއީ އެކި މެސެޖާއި ހާލަތް ބަޔާންކޮށް ހަގީގަތް ކިޔައިދޭ ލަވަތަކެއްގެ ގޮތުގަ އެވެ. އެގޮތުން ކޮރަޕްޝަނާއި މާރަމާރީ އާއި ސިޔާސީ ހަތުރުވެރިކަމާއި ޒާތީ ތައައްސުބުގެ ވާހަކަ ވެސް ބޭންޑްގެ ލަވަތަކުގައި ކިޔައިދެ އެވެ.

ޓްރެފިކް ޖޭމް އިން ނެރުނު ފުރަތަމަ އަލްބަމަކީ "ދިރިތިއްބަސް މަރުވެފާ" އެވެ. އެއަށް ފަހު "ތިއީ އެއްވެސް ބާރެއް އޮތް ބައެއް ނޫން" ގެ ނަމުގައި ދެ ވަނަ އަލްބަމެއް ނެރުނެވެ. އެއަށް ފަހު "މާފުށީ ސްކޫލް" ގެ ނަމުގައި ތިން ވަނަ އަލްބަމް ނެރުނީ 2010 ވަނަ އަހަރު އެވެ.