ކ. ތުލުސްދޫގައި ކާމިޔާބު ޝޯއެއް ދިނުމަށްފަހު 1438 ޓީމުން ޝޯ ދިނުމަށް ވ. ތިނަދޫއަށް ހިނގައްޖެއެވެ.

 ތުލުސްދޫގައި ބޭއްވި ޝޯތަކަށް ވަނީ އާންމުންގެ ފަރާތުން ވަރަށް ބޮޑު ތަރުހީބެއް ލިބިފައެވެ. ތުލުސްދޫގައި ކުރިއަށް ގެންދިޔަ ސަގާފީ ޝޯގައި ދަފި ނެގުމުގެ އިތުރުން ދަނޑި ޖެހުން ކުރިއަށް ގެންދިޔައެވެ.

މި ޓީމުގެ ކުރިއަށް އޮތް ދަތުރުތަކުގައި ހިމެނެނީ އއ. ބޮޑުފޮޅުދޫ އާއި ކ. ހުރާ އެވެ.

މި ރަށްތަކުގެ ތެރެއިން ދެން ސަގާފީ ޝޯއެއް ދިނުމަށް ހަމަޖެހިފައިވަނީ ބޮޑުފޮޅުދޫގައެވެ.

މިއީ މި ވަގުތު ރާއްޖޭގެ އެންމެ ކާމިޔާބު އެއް އެއް ބޮޑުބެރު ގްރޫޕެވެ. "1438" އިން ވަނީ ހުޅުމާލޭ ސެންޓްރަލް ޕާކުގައި ފަހުން ބޭއްވި ދިވެހިންގެ އުފެއްދުންތެރިކަމުގެ މައުރަޒު 2025 ގައި ހިމެނޭ "ބޮޑުބެރު ޗެލެންޖް" ވެސް ކާމިޔާބުކޮށްފައެވެ.

އެ ޓީމުން ބޮޑުބެރު ޗެލެންޖު ކާމިޔާބު ކުރީ ހަ ޓީމަކާ ވާދަކޮށްގެންނެވެ. 1438 ބޮޑުބެރު ގުރޫޕަކީ ދިވެހިންގެ މެދުގައި މަޝްހޫރު ގުރޫޕެކެވެ.