އިންޑިއާގެ މަޝްހޫރު ފިލްމީތަރި ތަމަންނާ ބާޓިޔާ އާއި ވިޖޭ ވަރްމާގެ ބްރޭކަޕްގެ ވާހަކަތައް އަޑުހަރުކޮށް އިންޑިއާގެ ނޫސްތަކުގައި ދެކެވިގެންދާ ދުވަސްކޮޅެކެވެ.

ތަމަންނާ ބާޓިޔާ ބޮލީވުޑްއަށް މަޝްހޫރު ވުމުގެ ކުރިން ތަމަންނާ އަކީ އިންޑިއާގެ ޓަމިލް ފިލްމުތަކުން މަޝްހޫރުކަން ހޯދާފައިވާ އެކްޓަރެކެވެ. އަދި ތަމަންނާއަކީ އިންޑިއާގައި ކާމިޔާބު އެކްޓަރެއްގެ އިތުރުން ލަވަތަކުގައި ރީތި ނެށުންތައްވެސް ދައްކުވައިދެމުން އަންނަ މޮޅު އެކްޓަރެކެވެ. މިގޮތުން މި ފަހުން ޓްރެންޑްވެގެންދިޔަ "އާޖް ކީ ރާތް" މި ލަވަ ވަރަށް ވައިގައި ހިފާލައިގެން ދިޔައެވެ.

ލޯބީގެ ގޮތުން މިހާތަނަށް އެކިއެކި ކޯ ސްޓާރުންނާއެކު ގުޅިގެން އުޅޭ ހަބަރުތައް މީޑިއާގައި ފެތުރިގެން ދިޔަ ނަމަވެސް ފާޅުގައި މިހާތަނަށް އެފަދަ ގުޅުމަކުން ފެނިގެން ދިޔައީ "އޯޓީޓީ" ޕްލެޓްފޯމުން މަޝްހޫރުވެގެން ދިޔަ ވިޖޭ ވަރްމާއާ އެކުއެވެ. ވިޖާ ވަރްމާއަކީ "އޯޓީޓީ" ޕްލެޓްފޯމުން މީހުން ވަރަށް ބަލައިގަތް އަދި މިހާރު ބޮލީވުޑް ފިލްމުތަކުގެވެސް މުހިންމު އަދި ތަފާތު ރޯލުތަކުން ފެނިގެންދާ މޮޅު އެކްޓަރެކެވެ.

ބްރޭކަޕްކެ ހަބަރުތައް ފެތުރުމުގެ ކުރިން މި ދެމީހުން ވަރަށް ގިނަ ބޮލީވުޑްގެ ފަންކްޝަންސް އަދި ރެޑް ކާޕެޓްތަކަށްވެސް އެކީގައި އަތްގުޅުވާލައިގެން ގޮސްފައިވެއެވެ. ދެމީހުން ޑޭޓް ތަކުން މީޑިއާގެ ލޮލުގައި އަޅައިގަނެ މުޅި މީޑިއާގައި ފޮޓޯތަކާއި ވީޑިއޯތައް އާންމުވެގެންވެސް ދިޔައެވެ. އަދި މީޑިއާތަކުން މި ކަޕްލް އަށް "ޕަވަރ ކަޕަލް" ގެ ނަމުން ނަންވެސް ދީފައިވެއެވެ. 

މިއަދު އިންޑިއާގައި ކުލަގަދަކޮށް "ހޯލީ" ފާހަގަ ކުރަމުން ދާ ދުވަސްކަމުން އެކިއެކި ބޮލީވުޑްގެ ސްޓާރުންގެ ގެތަކުގައި ހަފްލާތައް ބޭއްވެމުން އެބަދެއެވެ. މިގޮތުން ކުރީގެ މަޝްހޫރު ބޮލީވުޑްގެ އެކްޓަރ ރަވީނާ ތަންޑަންގެ ގޭގައި އިތް ހަފްލާއަށް ތަމަންނާ އާއި ވިޖޭ ގޮސްފައިވެއެވެ. ނަމަވެސް ހަފްލާއަށް ދެމީހުންވެސް ވަނީ ވަކިވަކިންނެވެ. 

ބްރޭކަޕްގެ ހަބަރުތައް މީޑިއާގައި ފެތުރިގެން ދިޔަ ނަމަވެސް ތަމަންނާ އަދި ވިޖޭވެސް އެއްވެސް މީޑިއާއަކަށް މިކަމާ ގުޅޭގޮތުން އެއްޗެއް ބުނެފައެއް ނުވެއެވެ. 

ބޮލީވުޑް އެކްޓަރުންގެ ބްރޭކަޕްތަކުގެ ވާހަކައަކީ އާ ވާހަކަތަކެއް ނޫނެވެ. އުފެދޭ ސުވާލަކީ މި "ޕަވަރ ކަޕަލް"ވެސް ބްރޭކަޕްވީބާއެވެ..؟؟