ދިވެހި ރާއްޖޭގެ މަޝްހޫރު ރެޕް އާޓިސްޓުންގެ ރެކޯޑް ލޭބަލް ސިމްބޮލިކް ރެކޯޑްސް (އެސްއާރު) މިރޭގެ ޝޯގައި އާ އާޓިސްޓެއް ފެނިގެންދާނެ ކަން ހާމަކޮށްފި އެވެ.

ސިމްބޮލިކްސް ރެކޯޑްސްގެ ފޭސްބުކް ޕޭޖުގައި މިއަދު ވަނީ މިރޭ ޝޯ ހުށަހަޅައިދޭ އާޓިސްޓުންގެ ފޮޓޯތައް ޕޯސްޓްކޮށްފަ އެވެ:

• މުހައްމަދު ނަބީލް ނިޔާޒު (ޓޯއީ)
• މުހައްމަދު އިހުސާން (ޕެންޑާ)
• ހުސައިން ޒިޔާދު (ޒިޔާ)
• އަހުމަދު ނާއިލް (ނައިޑެން)
• ނާއިލް ޝަރީފް (ނައްލު)

އެ ފޮޓޯތަކުގެ މެދުގައި ސުވާލު މާކްތައް ޖަހާފައިވާ ފޮޓޯއެއް ވެސް ހިމަނާފައިވެ އެވެ. އަދި މިރޭ އާ އާޓިސްޓެއް ފެނިގެންދާނެ ކަމަށް އެ ލޭބަލުން ބުންޏެވެ.

މިރޭ އެ ޝޯ އޮންނާނީ, މިހާރު ހުޅުމާލޭ ސެންޓްރަލް ޕާކުގައި ކުރިއަށްދާ ފަންނުވެރިންގެ މައުރަޒުގެ ތެރެއިންނެވެ.

އަންނަން އޮތް ބޮޑު އީދަށް ވެސް އެސްއާރުގެ ދެ ޝޯއެއް އޮންނާނެ އެވެ. ބޮޑު އީދުގެ ދެވަނަ ދުވަހު ޝޯ އޮންނާނީ ކ. މާފުށީގަ އެވެ. ތިން ދުވަހު ޝޯ އޮތީ އައްޑޫ ސިޓީ މީދޫގަ އެވެ.