ރާއްޖޭގެ މިއުޒިކް އިންޑަސްޓްރީގައި އެންމެ ނުފޫޒު ގަދަ އެއް ނަން ކަމަށްވާ "ސިމްބޮލިކް ރިކޯޑްސް" އިން '' ދޮޅަސް'' ނަމުގައި އާ އަލްބަމެއް ނެރެފިއެވެ. 

މި އަލްބަމަކީ މާޓުގެ އަލްބަމެކެވެ. އަލްބަމުގެ މިއުޒިކް ޕްރޮޑިއުސަރުންނަކީ މާރިދަމް، ރީޕާ، ހައިޝަމް ނަސީރު، ޑީމަން އަދި ޕެންޑާއެވެ. 

އަލްބަމުގައި 12 ލަވަ ހިމެނެއެވެ. އޭގެ ތެރެއިން މާޓުގެ ''އަނެއްލަވަ'' ވަނީ އަލްބަމުގެ ފުރަތަމަ ލަވައިގެ ގޮތުގައި ޔޫޓިއުބާއި ސައުންޑް ކްލައުޑަށް ރިލީޒްކޮށްފައެވެ. 

2013 ވަނަ އަހަރު ވުޖޫދުވި ސިމްބޮލިކް ރިކޯޑްސްއަކީ ރާއްޖޭގެ ފުރަތަމަ ހިޕްހޮޕް އޮފިޝަލް ރެކޯޑް ލޭބަލްއެވެ.

އެންމެފުރަތަމަ ހިޕްހޮޕްއަށް އިސްކަން ދިން ނަމަވެސް މިހާރު އެކި ތަފާތު ޖޮންރާގެ މިއުޒިކް މި ލޭބަލްއިން ދަނީ އުފައްދަމުންނެވެ.

އެސްއާރުން މިހާތަނަށް 13 އަލްބަމް ނެރެފައިވެއެވެ. މި ވަގުތު އެސްއާރު ލޭބަލްގައި 12 އާޓިސްޓުން ހަރަކާތްތެރިވެއެވެ.