ރާއްޖޭގެ މިއުޒިކް އިންޑަސްޓްރީގައި އެންމެ ނުފޫޒުގަދަ އެއް ނަން ކަމަށްވާ "ސިމްބަލިކް ރިކޯޑްސް" އިން އަނެއްކާވެސް ކާމިޔާތާކެއް ހޯދައިފި އެވެ. 

ސިމްބަލިކްގެ ލަވަތަކަށް ސައުންޑް ކްލައުޑުން 50.6 މިލިއަން ޕްލޭސް ލިބފައިވާއިރު ޔޫޓީއުބް ގައި ލިބިފައިވަނީ 22.5 މިލިއަން ވިއުސް އެވެ. 94،380 ސަބްސްކްރައިބަރުންނާ އެކު ސިމްބަލިކްގެ ޔޫޓީއުބް ޗެނަލް އަކީ އެންމެ ގިނައިން ރާއްޖޭގައި ސަބްސްކްރައިބް ކޮށްފައިވާ ޗެނަލެވެ. 

ސޯޝަލް މީޑިއާގައި ކުރި ޕޯސްޓެއްގައި ބުނީ ސިމްބަލިކް ރިކޯޑްސް އިން ބުނީ، މިއަދު އެ ރިކޯޑްސް އިން ހާސިލުކުރަމުންދާ ކާމިޔާބީތަކަކީ އެތައް ދުވަހެއްގެ ބުރަ މަސައްކަތުގެ ނަތީއްޖާ ކަމަށެވެ. މިއަދާ ހަމަޔަށް ވާސިލުވުމުގައި އެތައް ދަތި އުދަނގޫތައް ދިމާވި ކަމަށާއި، އެއިން އެއްވެސް ފަހަރު ހިތްވަރު އެލުވައިނުލައި އަމާޒުހިފީ ކުރިއަށްދާން ކަމަށް ސިމްބަލިކް އިން ބުންޏެވެ. 

ފޭނުންނަށް ހާއްސަ ޝުކުރެއް އަދާކުރަމުން ސިމްބަލިކް އިން ބުނީ ދާނީ ކުރިއަށް ކަމަށެވެ. އަދި ކުރިއަށް އޮތް ތަނުގައި މުޅިން އާ އިތުރު މިއުޒިކްތަކާއި މުޅިން އައު އަޑުތައް ގެނެސްދޭނެ ކަމަށް ސިމްބަލިކް އިން ބުންޏެވެ.

2013 ވަނަ އަހަރު ވުޖޫދުވި ސިމްބަލިކް ރެކޯޑްސް އަކީ ރާއްޖޭގެ ފުރަތަމަ އޮފިޝަލް ރެކޯޑް ލޭބަލް އެވެ. އެންމެ ފުރަތަމަ ރެޕަށް ފޯކަސް ކުރި ނަމަވެސް މިހާރު އެކި ތަފާތު ޖޮންރާގެ މިއުޒިކް ސިމްބަލިކް އިން ދަނީ އުފައްދަމުންނެވެ. ސިމްބަލިކް އިން މިހާތަނަށް 6 އަލްބަމެސް ނެރެފައިވެ އެވެ. މި  ވަގުތު ސިމްބަލިކް ގައި 12 އާޓީސްޓުން ހަރަކާތްތެރިވެ އެވެ.