މާލޭގެ ގުދަނެއްގެ ފުރާޅު މައްޗަށް މިދިޔަ 18 އޭޕްރީލްގައި، ހައްވާ ޔުމްނު ރަޝީދު (21އ) ވެއްޓުމުގައި އިހުމާލު އޮތް ކަމަށް ރައުދު އަހުމަދު ޒިލާލް އިއުތިރާފުވުމުން 27 ދުވަހަށް ޖަލަށް ލުމަށް މިއަދު ހުކުމްކޮށްފި އެވެ. 

ރައުދު ގ. އެރިޔަދޫ، (21އ) ގެ މައްޗަށް ދައުލަތުން އުފުލީ  އެހީއަށް ބޭނުންވެފައިވާ މީހާއަށް އެކަށީގެންވާ ސަބަބެއް ނެތި، އެހީތެރިކަން ފޯރުކޮށްނުދިނުމުގެ ކުށުގެ ދައުވާ އެވެ. 

އެ ކުށުގެ އަސާސީ މިންގަނޑަކީ އެއް އަހަރާއި 6 ދުވަހުގެ ޖަލު ހުކުމެކެވެ. ނަމަވެސް އޭނާ ކުށަށް އިއުތިރާފުވެފައިވާތީ، އަސާސީ މިންގަނޑުގެ އެއް ދަރަޖަ ދަށްކޮށް 27 ދުވަހަށް ޖަލަށް ލުމަށް ހުކުމް ކުރި އެވެ. 

ރައުދު މިހާތަނަށް މި މައްސަލާގައި އެކި ފަހަރު މަތިން ބަންދުގައި ހުރެގެން, ޖުމުލަ އެއް މަހާއި ތިން ދުވަސް ބަންދުގައި ހޭދަކޮށްފައިވެ އެވެ. އެހެންވެ ޖަލު ހުކުމުން އޭނާ އިތުރަށް ތަންފީޒުކުރަން ޖެހޭ ބައެއް ނެތެވެ. 

ޔުމްނު ވެއްޓުނު މައްސަލައާ ގުޅިގެން ރައުދު ހައްޔަރުކޮށްފައިވަނީ އެ ހާދިސާ ހިނގިތާ 6 ދުވަސް ފަހުން 24 އޭޕްރީލްގަ އެވެ. 

ޔުމްނު ވެއްޓެނީ ހ. ފެންޓިނޯއީގެ 9 ވަނަ ފަންގިފިލާ އިންނެވެ. ޔުމްނު ވެއްޓުނު ކަން އެނގޭ ކަމަށް ރައުދު ފަހުން އެއްބަސްވިއިރު އެންމެ ފުރަތަމަ ފުލުހުން ބުނަމުން ދިޔައީ ޔުމްނު ވެއްޓުނުކަން ރައުދަށް އެނގޭ ކަމަށް ނުބެލެވޭ ކަމަށެވެ. ޔުމްނު އާއި ރައުދު ވެސް އެ ތަނުގައި ތިބީ މަސްތުގެ ހާލަތުގަ އެވެ. 

އެ ތަނަށް ދިއުމުގެ ކުރިން ޔުމްނު އާއި ރައުދު އުޅުނީ 

މި މައްސަލާގައި ފުލުހުންގެ މައްޗަށް 'ސިޔާސީ' ނުފޫޒު ފޯރުވާފައިވާ ކަމަށް ތުހުމަތުކޮށް މއ. މާންދޫގޭގެދެކުނުގޭގެ ޓެރަސްގަ އެވެ. އެއީ ދަތުރުފަތުރުގެ ވަޒީރު މުހައްމަދު އަމީން ދިރިއުޅުއްވާ އިމާރާތުގެ، އޭނާގެ އެއްބަނޑުއެއްބަފާ ދެބެއިންގެ ގެ އެވެ. އަމީނަށް ބޮޑުބޭބޭ ވިދާޅުވާ ބައެއް ކުދިން އިސްވެގެން އެ ރޭ އެ ތަނުގައި ޕާޓީއެއް ބޭއްވި އިރު އޭގެ ތެރެއިން ސަރުކާރުގެ މަގާމުތަކުގައި ތިއްބެވި ޒުވާނުން މިހާރު މަގާމުތަކުން ވަނީ ވަކިކޮށްފަ އެވެ.