އިންޑިއާގެ ގައުމީ ޓީވީ ދޫރްދަރްޝަނުން ރޭ ދައްކަން ފެށި "ބެޓްލް އޮފް ބޭންޑްސް އިންޓަނޭޝަނަލް" ރިއަލިޓީ މިޔުޒިކް ޝޯގައި ރާއްޖޭގެ ބޭންޑް "ޓޫ އޮފް އަސް" ގެ ފުރަތަމަ ހުށަހެޅުން ދައްކާލައިފިއެވެ.

އެ ލަވަ ފެށީ "އެއްޗެއް ކަޅެއް" ގެ ރާގުންނެވެ. ނަމަވެސް ލަވަ ފަށައިގެން ލަވަ ވަނީ ވަރަށް ތަފާތު ގޮތަކަށް ކުރީގެ މަޝްހޫރު ހިންދީ ލަވަ "ބާބޫ ސަމްޖޯ އިޝާރޭ"ގެ ފިއުޝަނެއްގެ ގޮތުގައި ހުށަހަޅައިފައެވެ

އެ ބޭންޑުން ލަވަ ހުށަހަޅަމުންދިޔަ އިރު ޖަޖުންނާއި އޯޑިއަންސްގައި ތިބި މީހުން ދިޔައީ ފޯރި ނަގަމުންނެވެ. އެ ލަވަ ޖަޖުންނަށްވެސް ވަރަށް ކަމުދިޔައެވެ.

"ޓޫ އޮފް އަސް"އެވެ. ބޭންޑުގައި އަހްމަދު އަދުހަމާއި އަބްދުالله ޝަމްރޫހާއި މުހައްމަދު ނަސޫހު ބިން ނަސްރުއްދީނާއި އަހްމަދު ޝަހީދު (ޝަހީދު ލެގަސީ) އަދި އަހްމަދު ޖަޝީމެވެ.

ފުރަތަމަ އެޕިސޯޑްގައި ރާއްޖޭގެ "ޓޫ އޮފްއަސް"ގެ އިތުރުން ސްރީލަންކާގެ "ނައިޓްސް", ރަޝިއާގެ "ރާގާ ރިބެލްސް" އަދި އިންޑިއާގެ "ސޯލް އޮފް ސޫފީ"ގެ ހުށަހެޅުންތައް ވަނީ ފެނިފައެވެ.

އެ ޝޯ ގެ އެންމެ ރަނގަޅު ހުށަހެޅުމެއްގެ ގޮތުގައި ފަނޑިޔާރުން ހޮވީ ސްރީލަންކާގެ ނައިޓްސް ބޭންޑުގެ ހުށަހެޅުމެވެ.