ޗައިނާއިން ރާއްޖެއަށް ކަނޑައަޅުއްވާފައިވާ ސަފީރު ކޮންގް ޝިއަންހުއާ ކޮންމެ ދުވަހަކު ވެސް ރާއްޖޭގެ ރީތީ މަންޒަރެއްގެ ފޮޓޯއެއް ސޯޝަލް މީޑިއާ އަށް ދޫކޮށްލަ އެވެ.

ސަފީރުގެ ފްލޯވަރުންނަށް ހެނދުނާ ރޭގަނޑުގެ ތަހުނިޔާ ފޮނުވަނީ ރީތި މަންޒަރަކާ އެކު އެވެ. ހެނދުނުގެ އިރު އަރައިގެން އަންނަ މަންޒަރުތަކާއި އިރު އޮއްސޭ މަންޒަރުތަކެވެ. 

މިއަދު ހެނދުނުގެ ތަހުނިޔާ ސަފީރު ފޮނުވީ ސިނަމާލެ ބްރިޖު ދުރުން ފެންނަހެން ނަގާފައިވާ ދެ ފޮޓޯއަކުންނެވެ. އެ ފޮޓޯގެ ޕޯސްޓުގައި ސަފީރު ވިދާޅުވީ ހެނދުނުގެ ވަގުތަކީ ރާއްޖޭގެ އެންމެ ރީތި އެއް ވަގުތު ކަމަށެވެ. 

''އަހަރެންނަށް އެކަން ވާން އޮތް ނަމަ. މުޅި ދުވަސް ހޭދަކުރާނީ ގޮނޑުދޮށުގައި ހިނގާލަން'' ސަފީރު ވިދާޅުވި އެވެ. އޭނާ ވިދާޅުވީ މޫސުމަށް އަންނަ ބަދަލުތަކުގެ ސަބަބުން އަހަރު ނިމޭހާ ތަނުގައި ރާއްޖެއަށް ވަރަށް ގިނައިން ވާރޭ ވެހޭ ކަމަށެވެ.

އެހެންވީމަ މިއަދު ދެތިން ކުޑަކޮށް ނަމަވެސް ވާރޭ ވެހުމަކީ އެއީ ހައިރާންވާ ކަމެއް ނޫން ކަމަށް ސަފީރު ވިދާޅުވި އެވެ.