މާލެ އޮލިމްޕަސް ސިނަމާގައި ކާމިޔާބު ޝޯތަކެއް ހިންގުމަށް ފަހު ޅ. ހިންނަވަރުގައި 'ލިލީ' ފިލްމު އެޅުވުމަށް ތައްޔާރުވެއްޖެ އެވެ. 

މި ފިލްމުން ދައްކައިދެނީ ވެސް ހިންނަވަރުގެ މަންޒަރު ތަކެވެ. ފިލްމުގެ ފުރަތަމަ ފެނިލުމުން ވެސް "މަ މިއީ މުޅި ހިންނަވަރަށް މަޝްހޫރު ލިލީ" ޑައިލޮގު އިވިގެން ދިޔަ އެވެ. 

ފިލްމު އުފެއްދި ކްރިއޭޓިވް ނެޓްވޯކްސް އިން ބުނީ މާލޭގެ 10 ދުވަހުގެ ޝޯތައް ވެސް ގާތްގަނޑަކަށް ހައުސްފުލްވުމަށްފަހު ހިންނަވަރުގެ ވެސް ތިން ޝޯ މިހާރު ހައުސްފުލްވެފައިވާ ކަމަށެވެ.

ލިލީ އުފަން ރަށް، ހިންނަވަރުގައި އެ ފިލްމަށް ތަރުހީބު މާ ބޮޑު ކަމަށް ބުންޏެވެ. 

މި ފިލްމުގެ ޑައިރެކްޓަރު އަޒުހާން އުފަން ރަށަކީ ވެސް ހިންނަވަރެވެ. ފިލްމު ޕްރޮޑިއުސް ކުރީ މުހައްމަދު އަރީހެވެ.

މި ފިލްމުގެ ފިލްމުގެ ލީޑު ތަރިންނަކީ އާއިޝާ އަލީ، މުހައްމަދު އިޝްފާން އަދި އަހުމަދު ޝާރިފްގެ އިތުރުން މަރިޔަމް ޝިމާ އެވެ.