ސްޓްރީމިންގެ ދުނިޔޭގައި އިންގިލާބީ ބަދަލެއް ގެނުވުމަށްޓަކައި، ނެޓްފްލިކްސް ވޯނަރ ބްރޯސްގައްނަންތަޔާރުވެޖެއެވެ. ޑިސްކަވަރީ، އިންކޯޕަރޭޓެޑް އިން މިއަދު ވަނީ ނެޓްފްލިކްސްއިން ވޯނަރ ބްރޯސް ހޯދުމަށް އެއްބަސްވުމެއްގައި ސޮއިކޮށްފައިވާކަން އިއުލާނުކޮށްފައެވެ. މި މުޢާމަލާތުގެ ދަށުން ޑަބްލިޔުބީޑީގެ ފިލްމާއި ޓެލެވިޜަން ސްޓޫޑިއޯތަކުގެ އިތުރުން މަޝްހޫރު އެޗްބީއޯ މެކްސް އަދި އެޗްބީއޯ ވެސް ނެޓްފްލިކްސްގެ ދަށަށް ދާނެއެވެ.

މި ބޮޑު މުޢާމަލާތުގެ އެންޓަރޕްރައިޒް ވެލިއުއަކީ ޖުމްލަ 82.7 ބިލިއަން ޑޮލަރެވެ (އިކުއިޓީ ވެލިއު 72.0 ބިލިއަން ޑޮލަރު). މި މުޢާމަލާތް ކުރިއަށް ގެންދަނީ ފައިސާ އާއި ސްޓޮކް ބޭނުންކޮށްގެންނެވެ. ޑަބްލިޔުބީޑީގެ ކޮންމެ ޝެއަރއަކަށް 27.75 ޑޮލަރުގެ އަގެއް ކަނޑައަޅާފައިވާއިރު، މި މުޢާމަލާތް ނިމޭނެކަމަށް ލަފާކުރެވެނީ 2026 ވަނަ އަހަރުގެ ތިންވަނަ ކުއާޓަރުގައެވެ. މުޢާމަލާތް ނިމުމުގެ ކުރިން ޑަބްލިޔުބީޑީގެ ގްލޯބަލް ނެޓްވޯކްސް ޑިވިޜަން ކަމަށްވާ ޑިސްކަވަރީ ގްލޯބަލް، ވަކިވެ އާންމުކޮށް ވިޔަފާރިކުރާނެ ކުންފުންޏަކަށް ބަދަލުވުމަކީ މި އެއްބަސްވުމުގެ މުހިންމު ޝަރުތެކެވެ.

މި ހޯދުމުގެ ސަބަބުން ދުނިޔޭގެ އެންޓަޓެއިންމަންޓް ދާއިރާގެ ދެ ބާރުގަދަ ކުންފުނި އެއްތަންވެގެންދެއެވެ. ނެޓްފްލިކްސްގެ އީޖާދީކަމާއި، ދުނިޔޭގެ ފުޅާ ދާއިރާއާއި، އެންމެ މޮޅު ސްޓްރީމިންގ ޚިދުމަތާ އެކު، ވޯނަރ ބްރޯސް.ގެ ޤަރުނެއްގެ ތާރީޚާއި، ދުނިޔޭގެ ފެންވަރުގެ ވާހަކަ ކިޔައިދިނުމުގެ ޤާބިލުކަން އެއްކޮށްލައެވެ. މިކަމުގެ ސަބަބުން ދުނިޔޭގެ އެކި ކަންކޮޅުތަކުގައި ތިބި ބެލުންތެރިންނަށް ލިބޭ ކޮންޓެންޓްގެ މިންވަރު ބޮޑުތަނުން އިތުރުވެގެންދާނެއެވެ. ދި ބިގް ބޭންގް ތިއަރީ، ދަ ސޮޕްރާނޯސް، ގޭމް އޮފް ތްރޯންސް، ދަ ވިޒާޑް އޮފް އޮޒް އަދި ޑީސީ ޔުނިވަރސް ފަދަ މަޝްހޫރު ފްރެންޗައިޒްތައް ނެޓްފްލިކްސްގެ ވެންސްޑޭ، މަނި ހައިސްޓް، އަދި ސްކުއިޑް ގޭމް ފަދަ އޮރިޖިނަލްތަކާ ގުޅިގެންދާނެއެވެ.

މިކަމާ ގުޅޭގޮތުން ނެޓްފްލިކްސްގެ ކޯ-ސީއީއޯ ޓެޑް ސަރަންޑޯސް ވިދާޅުވިއެވެ. “އަބަދުވެސް އަޅުގަނޑުމެންގެ މަގްސަދަކައް ވެފައިވަނީ ދުނިޔެއަށް ހިތްހަމަޖެހުން ދިނުމެވެ.