ރާއްޖެ-ޗައިނާ ފްރީ ޓްރޭޑް އެގްރިމެންޓު (އެފްޓީއޭ)ގެ ސަބަބުން ރާއްޖެ އާއި އަވައްޓެރި ގައުމުތަކަށް ކުރާނެ އެއްވެސް ފައިދާއެއް ނެތް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ރާއްޖެ-ޗައިނާ ފްރީ ޓްރޭޑް އެގްރީމަންޓަށް އަމަލުކުރަން ފަށާފައިވަނީ މިދިޔަ ޖެނުއަރީ މަހުގެ ތެރޭގައެވެ. 

ރައީސް ނަޝީދު އިންޑިއާއަށް ކުރައްވަމުން އަންނަ ރަސްމީ ދަތުރުފުޅެއްގެ ތެރެއިން އެ ގައުމުގެ މީޑިއާތަކަށް ދެއްވި އިންޓަވިޔުއެއްގައި ވިދާޅުވީ، ރާއްޖެ-ޗައިނާ ފްރީ ޓްރޭޑް އެގްރީމަންޓުގެ ސަބަބުން ރާއްޖެއަށް ވަންނަ އާމްދަނީ ވާނީ ދަށެވެ. އަދި އެ އެގްރީމަންޓުގެ ސަބަބުން ރާއްޖެއާއި އަވަށްޓެރި ގައުމުތަކަށްވާނެ ފައިދާއެއް ނެތް ކަމުގައި ވިދާޅުވިއެވެ. 

"އެ އެގްރިމެންޓުގެ ސަބަބުން ރާއްޖެއަށް އާމްދަނީއެއް މަދުވާނެ. އެއީ ކަންބޮޑުވުމެއް. އަދި އޭގެ ސަބަބުން ރާއްޖޭގެ މާލީ ހާލަތަށް ދުރު ރާސްތާގައި ނުރަނގު އަސަރުތަކެއް ކުރާނެ. އަހަރުމެންގެ ސިޔާސަތުތައް ބައްޓަން ކުރާއިރު، އެކަމަށް ވިސްނަންޖެހޭނެ." ނަޝީދު ވިދާޅުވިއެވެ.

ނަޝީދު ވިދާޅުވީ، ރާއްޖެ-ޗައިނާ ފްރީ ޓްރޭޑް އެގްރީމަންޓާ ގުޅޭ ގޮތުން އިންޑިއާއިން ރާއްޖެއާ މަޝްވަރާކުރާނެ ކަމަށް ގަބޫލުކުރައްވާ ކަމަށެވެ. 

އެ މަނިކުފާނު މިހެން ވިދާޅުވިއިރު، ރާއްޖޭގެ ފޮރިން މިނިސްޓަރު ޑރ. އަބްދުﷲ ހަލީލު މިހާރު ހުންނެވީ އިންޑިއާގަ އެވެ.