ދިވެހި ރާއްޖޭގެ މަޝްހޫރު ރެޕް އާޓިސްޓުންގެ ރެކޯޑް ލޭބަލް ސިމްބޮލިކް ރެކޯޑްސް (އެސްއާރު)ގެ އީދު ޝޯ އެއް މިރޭ މާފުށީގައި ކުރިއަށް ގެންދާނެއެވެ.

މި ޝޯ ފަށާނީ 22:30 ގައެވެ. ޝޯ އޮންނާނީ މާފުށީ ބީޗް އޭރިއާގައެވެ. މި ޝޯގައި ފެނިގެންދާނީ އެސްއާރުގެ ޓޯއީ، ޕެންޑާ، ޕެސްޓް، އެޑިލް، ޒިޔާ، ބޭ، ނައިޑެން ގެ އިތުރުން ނައްލުގެ ހުށަހެޅުންތަކެވެ.

މާފުށީ ޝޯ އަށްފަހު އައްޑޫ މީދޫގައި ވެސް އެސްއާރުގެ އީދު ޝޯއެއް ކުރިއަށްގެންދާނެއެވެ. އައްޑޫ މީދޫ ޝޯ އޮންނާނީ މާދަމާއެވެ. އައްޑޫ މީދޫ ޝޯއިން ވެސް ފެނިގެންދާނީ އެސްއާރުގެ ޓޯއީ، ޕެންޑާ، ޕެސްޓް، އެޑިލް، ޒިޔާ، ބޭ، ނައިޑެން ގެ އިތުރުން ނައްލުގެ ހުށަހެޅުންތަކެވެ.

މި ދެރަށުގެ އިތުރުން އެހެން ރަށެއްގައި އެސްއާރުގެ އީދު ޝޯއެއް މި އަހަރު ނޯންނާނެއެވެ.

މި އީދު ޝޯތަކުގެ ކުރިން ވެސް އެސްއާރުގެ ޝޯ އެއް ކުރިއަށް ގެންދިޔައެވެ. އެ ޝޯ ކުރިއަށް ގެންދިޔައީ ހުޅުމާލެ ސެންޓްރަލް ޕާކުގައި ކުރިއަށް ގެންދިޔަ ފަންނުވެރިންގެ މައުރަޒުގެ ތެރެއިންނެވެ.