އިންޑިއާގެ ބޮލީވުޑް ފިލްމްސްޓާރް ކަރީނާ އާއި ސައިފްގެ އެއަރޕޯޓް ލުކްގެ ރީތި ކަމުގެ ވާހަކަތައް ދެކެވި ނޫސްތަކުގައާއި ސޯސަލްމީޑިއާގައި ޕޯސްޓްތައް އާންމުވެފައިވާ ދުވަހެކެވެ.  

ބޮލީވުޑްގެ އެކިއެކި ތަރިން ހޯލީ ފާހަގަކުރުމަށް ބޮޑެތި ފަންގްޝަންސްތައް ބާއްވާ ކުލަގަދަ ހަރަކާތްތައް ކުރިއަށް ގެންގޮސްފައިވާއިރު ކަރީނާ އާއި ސައިފް އާ ދެމަފިރިން ވަނީ އާއިލާއެކު ހޯލީ ފާހަގަ ކުރުމަށް އެހެން ގައުމަކަށް ގޮސްފައެވެ. 

ސައިފްގެ ދެމަފިރިން އެމީހުންގެ ވެކޭޝަން ދަތުރު ނިންމާލުމަށްފަހު އެއަރޕޯޓްއަށް އައިއިރު މީޑިއާގެ ލޮލުގައި އަޅައިގެން ދިޔައީ ދެމަފިރިންގެ ފެނިލުން ރީތި ކަމުންނެވެ. ޕެޕަރާޒީން އެންވެ ފޮޓޯ އާއި ވީޑިއޯތައް ނަގާ މިހާރު މުޅި ސޯސަލް މީޑިއާގައި މިވަނީ އާންމުވެފައެވެ. 

ކަރީނާ އަކީ އަބަދުވެސް ހެދުން އެޅުމުގައި ތަފާތު ގޮތެއް ގެންގުޅޭ ބޮލީވުޑްގެ ތަރިއެކެވެ. ކަރީނާ މިފަހަރުގެ އެއާޕޯޓް ލުކްގައި ފެނިފައިވަނީ ދިގު ކުރުތާއަކާއި، ކަޅު ހަރަވާޅެއްގައެވެ. ކަރީނާގެ ލުކް އިތުރަށް ފުރިހަމަވެފައިވަނީ އޭނާ ކޮށްފައިވާ އާދައިގެ ނެޗުރަލް މޭކަޕުންނެވެ. 

ސައިފްވެސް ވަރަށް އާދައިގެ ގޮތަކަށް ފެނިފައިވާއިރު ކަރީނާ އާއި ސައިފްގެ ދެކުދިން ކަމުގައިވާ ތައިމޫރް އަދި ޖެއްހްވެސް ފެނުނީ ވަރަށް އާދައިގެ ރީތި ލުކްއަކުންނެވެ. މި އާއިލާގެ އެއަރޕޯޓް ވީޑިއޯ އަދި ފޮޓޯ ސޯސަލްމީޑިއާގައި ހިއްސާކޮށަފައިވަނީ މާނަވް މަންގްލާނީ ކިޔާ ފޮޓޯގްރަފަރެކެވެ.  

ކަރީނާ އެންމެފަހުން ފެނިފައިވަނީ "ސިންގްހަމް އެގެއިން" ކިޔާ ރޯހިތް ޝެޓީގެ ފިލްމަކުންނެވެ. އަދި ސައިފްގެ އެންމެފަހުން ބެލުންތެރިންނަށް ފެނިފައިވާ ފިލްމަކީ "ދޭވަރާ ޕާޓް1" ކުން ޓަމިލް ފިލްމުތަކުގެ މޮޅު ސްޓާރު ނަންދަމުރި ޓަރަކަ ރާމަ ރާއޯ އާއެކުއެވެ.