ބޮލީވުޑްގެ ފިލްމީ ތަރި އިމްރާން ޚާން ފިލްމް އިންޑަސްޓްރީން ގެއްލިފައި ހުރުމަށްފަހު އަލުން ފެނިލުމަށް ތައްޔާރުވާން ފަށައިފިއެވެ.

ދުވަސްތަކެއް ފިލްމަކުން ނުފެނި ހުރުމަށްފަހު މިފަހަރު އިމްރާން ފެންނަން މި އުޅެނީ "އޯޓީޓީ" ޕްލެޓްފޯމުންނެވެ.

ފީޗާ ފިލްމަކުން މިފަހަރު އިމްރާން ފެންނައިރު ފިލްމަށްޓަކާ އިމްރާން އަންނަނީ ގިނަ ތައްޔާރީތައް ވަމުންނެވެ. 

ރިޕޯޓްތަކުން ބުނާގޮތުގައި މި ފަހަރު އިމްރާން ފެންނާނީ މަޝްހޫރު ބޮލީވުޑްގެ އަންހެން ފިލްމީ ތަރި ބޫމީ ޕެޑްނޭކަރު އާއި އެކީއެވެ. މި އަންނަ އޭޕްރީލް މަހު މި ފިލްމް ބެލުންތެރިންނަށް ދޫކޮށްލުމަށް ހަމަ ޖެހިފައިވެއެވެ.

މިއާއެކު މި ފިލްމަކީ ދާނިޝް އަސްލަމްގެ ސްކްރިޕްޓެކެވެ. ދާނިޝްގެ އެންމެ ފަހުން ލިޔުނު ސްކްރިޕްޓުގެ މަށްޗަށް ހެދުނު ފިލްމް "ކައްޓީ ބައްޓީ" އަށްފަހު މިފަހަރުގެ ފިލްމު މިހާރުއްސުރެން އިންޑިއާގެ ސޯސަލް މީޑިއާގައި އެންމެ ހިޓް ވާހަކަށް މިދަނީ ދެކެވެމުންނެވެ.