ޑާކްރެއިން އެންޓަޓެއިންމަންޓުން ބެލުންތެރިންނަށް ގެނެސްދޭ ފިލްމު "އަލްވަދާއު" މިރޭ އަޅުވާ ގޮތަށް ހަމަޖެހިއްޖެ އެވެ.

ފިލްމްގެ ޝޯތައް އޮލިމްޕަހުގައި އަޅުވާނީ މި މަހުގެ މަހުގެ 20 ވަނަ ދުވަހުގެ ނިޔަލަށެވެ. ޓިކެޓް ގަތުމަށް ބޭނުންނަމަ 9911229 ނަމްބަރަށް ވައިބާ ކުރުމުން އޮލިމްޕަހަށް ނުގޮސް ވެސް ޓިކެޓް ގަނެވޭނެއެވެ.

ޑާކް ރެއިން އެންޓަޓެއިންމެންޓުގެ 'އަލްވަދާއު'ގެ ފިލްމަކީ ޝަހުދާ މަހުމޫދު (ޝަހޫ) ލިޔެފައިވާ، އަދި އަލީ ޝަފީއު (ޗިއްޕެ) ޑައިރެކްޓުކޮށްފައިވާ ފިލްމެކެވެ.

އެ ފިލްމުގެ ތަރިންގެ ތެރޭގައި މަރްޔަމް މަޖުދާއާއި ޝަރަފް އަބްދުﷲ ހިމެނެ އެވެ. އަދި މުހިންމު ރޯލްތަކުން މުހައްމަދު ރަޝީދު (ދަރާ ރަޝީދު)އާއި ޝީލާ ނަޖީބުގެ އިތުރުން އާއިޝަތު ލައިޝާ ލަތީފް ވެސް ފެންނާނެ އެވެ.

ޑާކް ރެއިން އެންޓަޓެއިންމެންޓުން އެންމެ ފަހުން ނެރެފައިވަނީ ފިލްމު "އަލިފާން"އެވެ. އެ ފިލްމަށް ވެސް ހޫނު ތަރުހީބެއް ލިބިފައިވެ އެވެ.