ކިތަންމެ ގިނަ ދަރިންނެއް ތިބި ކަމުގައި ވިޔަސް، ދަރިންގެ ޒިންމާތަކާއި، ގޭތެރެ ސާފުތާހިރުކޮށް ބެލެހެއްޓުމާއި، އަންނައުނު ދޮވެ އިސްތިރިިކުރުމާއި، ގޭގައި އުޅޭ އެންމެންނަށް ކައްކައި ކާން ދިނުމަކީ މީގެ ޒަމާންތަކެއް ކުރިން ހަމަ އެކަނި އަންހެނުންގެ ޒިންމާތަކެކެވެ. އޭރު ގަބޫލުކޮށް އުޅު ގޮތުގައި މީގައިން ކަމެއްގައި އަނބިމީހާއަށް އެހީވާނަމަ، އެގެއަކު ފިރިހެން މީހާގެ ބަހެއް ނުހިގާނެ އެވެ. އޭރު އެފަދަ މީހަކަށް ބޭނުންކުރާނެ އެންމެ އާންމު ބަހަކީ "އަނބިދަށުވެފައި" މިއެވެ.
ނަމަވެސް ޒަމާނާއި ވިސްނުމަށް އައި ތަރައްގީއާ އެކު އެކަން ވަރަށް ބޮޑަށް ބަދަލުވެއްޖެ އެވެ. ޒަމާނުގެ ހަގީގަތަށް ވެސް ބަދަލެއް އައިސްފި އެވެ.
އޭރު ނެތް ކިތަންމެ ޒަރޫރަތެއް، މިއަދު ޒަރޫރީ ކަންކަމަށް ވެއްޖެ އެވެ. ސަޕްލައި ފެނާއި، ކަރަންޓާއި، އިންޓަނެޓެވެ. ދިރިއުޅެ ކައިބޮއި ހަދައި ނިދަން ވަންނަ ތަނަށް ދައްކާ ކުއްޔެވެ. މި ހުރިހާ ހަރަދަކީ އާއިލާގެ އެންމެ ފަރުދަކަށް އެކަނި ދެއްކޭނެ ހަރަދެއް ވެސް ނޫނެވެ.
އެ ހަރަދު ފޫބައްދަން މިއަދުގެ އަނބީން، ފިރިންނެކޭ އެއް ގޮތަށް އާމްދަނީ ހޯދުމަށް މަސައްކަތް ކުރަން ޖެހެ އެވެ. ކޮންމެ ފިރިހެނަކީ އެ ހުރިހާ ހަރަދެެއް ހަމަޖެހޭ ވަރަށް އާމްދަނީ ހޯދޭ ފިރިހެނެއް ނޫނެވެ.
އާއިލާތަކުގެ މާލީ ޒިންމާ ނެގުމުގައި އަންހެން މީހާގެ ދައުރެއް މި ޒަމާނުގައި އުފެދުނު ފަދައިން ގޭތެރެ ބެލެހެއްޓުމާއި ދަރިންގެ ކަންކަމާއި ކައްކައި ހެދުމަކީ، ފިރިމީހާގެ ވެސް ހިއްސާއެއް އޮންނަ ކަންކަމަށް ހަދަން ވެސް އެބަ ޖެހެ އެވެ.
ގިނަ އަނބިންނާއި ފިރިން މިއަދު ދިރިއުޅެނީ ވެސް ދުނިޔެވީ މި ހަގީގަތާ އެކުގަ އެވެ. އަނތްބެއްގެ ދުވަހުގެ މަސައްކަތުގައި އާމްދަނީ ހޯދަން އޮންނަ ވަގުތުގައި ފިރިމީހާގެ ވަގުތު ގޭތެރެއަށާއި ދަރީންނަށް ވެސް ދެ އެވެ.
ކަން މިހެން އޮތް އިރު، މީގެ ހަތަރު ދުވަހެއް ކުރިން ފޭސްބުކުގައި، ޝުއައިބް އަލީ ނަމަކަށް ކިޔާ މީހަކު ކުރި ޕޯސްޓަކަށް ގިނަ ބައެއްގެ ސަމާލުކަން ވަނީ ހުއްޓިފަ އެވެ.
އޭނާ ކުރި ޕޯސްޓުގައި އަންހެނުންނަށް އެހީތެރިވުމަށް ފިރިހެނުން ބަދިގެއަށް ވަދެ ކައްކައިދިނުމާއި ތަށިދޮވެ ދިނުމަކީ ފިރިހެންވަންތަކަން ގެއްލުވާލުމެވެ. "އަންހެންދުޅާ"ވުމެވެ.
މިގޮތަށް އުޅުމަކީ ދީން ގަބޫލުނުކުރާ ކާފަރުން، އިސްލާމުންގެ ތެރެއަށް ވެއްދި ކަމެއް ކަމަށާއި، މިކަމުގެ ސަބަބުން ބައެއް ދީނީ އިލްމުވެރިންގެ މަސައްކަތަށް ވެސް ބުރޫ އަރާ ހިސާބަށް ކަންކަން ގޮސްފައިވާކަމަށް އޭނާ ބުނެފައި ވެއެވެ.
"މިހާރުގެ ބައެއް ދީނީ ޢިލްމުވެރިންނަށް، ދީނީ ކަމެއްގައި ކަންބޮޑުވެގެން ބައްދަލުކުރުމަށް ގުޅާލިޔަސް ބުނެއެވެ. މިއުޅެނީ ބަދިގޭގައި ކައްކާށެވެ. ނުވަތަ ތަށި ދޮންނާށެވެ. ދީނީ ސުވާލުގެ ޖަވާބު ނުލިބި އެއްކަލަ މީހާ އެހުންނަނީ ކަންބޮޑުވުމެއްގައެވެ. މިފެންވަރަށް ފިރިހެނުން ފަސާދަކުރުމަކީ، މީގެ އެތައް އަހަރެއް ކުރިން، ކާފަރުން ފެށި މަކަރުވެރި ފިކުރީ ހަނގުރާމައެކެވެ. މުސްލިމު އަންހެނުންގެ ވިސްނުން ފަސާދަ ވެއްޖެ ނަމަ، މުސްލިމު ފިރިހެނުން ތަޅު އެޅުވޭނެ ކަން، ކާފަރުންނަށް ވަރަށް ރަނގަޅަށް ވިސްނެއެވެ." ޝުއައިބު ކުރި ޕޯސްޓުގައި ބުނެފައި ވެއެވެ.
މި ޕޯސްޓު ހާހަކަށްވުރެ ގިނަ ބަޔަކު ވަނީ ޝެއާކޮށްފަ އެވެ. ޝުއައިބުގެ "ބޯލްޑް" ވިސްނުމަށް ތާއިދުކުރުމުގެ ބަދަލުގައި، ގިނަ ބަޔަކު ވަނީ އެކަމަށް ފާޑުކިޔައި އެތައް ރައްދުތަކެއް ދީފަ އެވެ. މިކަމާ ކަންބޮޑުވުން ފާޅުކޮށް، ނުރުހުމުގެ ވާހަކަތައް އެެއްބަޔަކު ދެއްކި އިރު، އަނެއް ބަޔަކު މިކަން ސިފަކުރީ ބޯދާ ވިސްނުމެއްގެ ގޮތުގަ އެވެ.
ޝުއައިބުގެ ޕޯސްޓަށް ރައްދުދީ ގިނަ ބަޔަކު ސޯޝަލް މީޑިއާގައި ޕޯސްޓުތައް ކޮށްފައިވާއިރު، ދީނީ އިލްމުވެރިޔާ މޫސާ އަންވަރުގެ އަނބިކަނބަލުން ސާމިޔާ ކުރެއްވި ޕޯސްޓު ފާހަގަކޮށްލެވެ އެވެ. މޫސާ އަންވަރަކީ ދީނީ ހޭލުންތެރިކަން ފެތުރެއްވުމާއި ދީން އުނގަންނައިދިނުމުގެ ދާއިރާގައި ގައުމީ އިނާމް ހާސިލްކުރައްވާފައިވާ ބޭފުޅެކެވެ.
ސާމިޔާ ސިފަކުރެއްވި ގޮތުގައި، ޝުއައިބުގެ މި ޕޯސްޓަކީ ބަދިގޭގައި އެހީތެރިވެ އުޅުއްވާ އޭނާގެ ފިރިކަލުން މޫސާ އަންވަރަށް ވެސް ކުޑައިމީސް ރައްދުވާފަދަ ޕޯސްޓެެކެވެ.
"ގޭތެރޭގައި މަސައްކަތް ކުރުމަކީ އަންހެންވަންތަކަމެއް ނޫނެވެ. އަދި ފިރިހެންވަންތަކަން ގެއްލޭ ކަމެއް ވެސް ނޫނެވެ" ސާމިޔާގެ ޕޯސްޓުގައި ވިދާޅުވި އެވެ.
"ކޮންމެވެސް އެދުމެއް ހާސިލްކުރުމުގެ ނިޔަތުގައި ފިތުނަ ފަސާދައެއް އުފެއްދުމުގެ ބޭނުމުގައި ދައްކާފައިވާ ވާހަކަތަކެއް. ނޫނީ ކޮންމެވެސް ގޮތަކުން މީހުންގެ ސަމާލުކަން ހޯދުމަށް ކުރާ ކަމެއް. ފަހުޒަމާނުގައި މިފަދަ ދަންނަބޭކަލުން ގިނަވާނެއޭ ބުނާތީ އަޑުއަހަން" މި ޕޯސްޓު ޝެއާކޮށް އިތުރު މީހަކު ބުނެފައި ވެއެވެ.
"ޞައްލަﷲ ޢަލައިހި ވަސައްލަމް، އެކަލޭގެފާނާ ޙަވާލުކުރެވުނު ޒިންމާތައް އަދާ ކުރުމަށް ހުރަސް އެޅޭ މިންވަރަށް، ގޭތެރޭގެ މަސައްކަތްތައް ކުރެއްވި ކަމަށް ބުނުމަކީ، ކަނޑައެޅިގެން ބުހުތާނު ދޮގެކެވެ." ޕޯސްޓު ޝެއާކުރި އެހެން މީހަކު ބުނެ އެވެ،
"ކިރިޔާ ގޭތެރޭގެ ކަމެއް ކޮށްދޭތަން ފެންނައިރަށް އާއިލާ ތަކުގެ މީހުން އެއަންހެން މީހާއަށް އެއްޗެހި ކިޔާ މަލާމާތްކޮށް ހަދާ މުޖުތަމަޢުއެއް މިތާގައި އޮތުމަކީ ވަރަށް ދެރަވަރުގެ ކަމެކެވެ. ގޭތެރޭގައިވެސް ފިރިމީހާގެ އެހީތެރިކަން ލިބެންޖެހޭނެއެވެ. ހާއްސަކޮށް ދަރިން ލިބުމަށްފަހު އަންހެންމީހާ އެކަނި ހުރިހާކަމެއް ކުރާނީ ކިހިނެއްހެއްޔެވެ. މި ދައްކަނީ ކަންނެތް އަންހެނުންގެ ވާހަކައެއް ނޫނެވެ.މުރާލި ގެވެހި އަންހެނުންނަށްވެސް ފިރިމީހާގެ އެހީތެރިކަން ބޭނުންވާނެއެވެ." އިތުރު މީހަކު ބުނެފައި ވެއެވެ.
މި ޕޯސްޓަށް ޖޯކުޖަހައި، ބައެއް މީހުން ވަނީ މިކަމަށް މީމް ވެސް ހަދާފަ އެވެ. ޝުއައިބުގެ ވިސްނުން ބަލައިގަތް މީހުން ގިނައެއް ނުވި އެވެ. އެއީ މި ޒަމާނަށް ފެތޭ ވާހަކައެއް ނޫނެވެ.
ފިރިމީހާގެ ވަޒީފާއާއި މަސްއޫލިއްޔަތުތަކަށް ހުރަސްއެޅޭ މިންވަރަށް ބަދިގޭގައި ވަގުތު ހޭދަ ނުކުރިޔަސް، ގޭތެރޭގެ އެފަދަ މަސައްކަތްތަކުގައި އެހީވުމަކީ ހުތުރުކަމެއް ނޫނެވެ. އެއީ ފިރިމީހާގެ ފިރިހެންވަންތަކަމަށް ހުރަސް އެޅޭކަމަކަށްވުރެ، ދެމަފިރިންގެ ގުޅުން ވަރުގަދަވެ، ދަރިންގެ ކުރިމަތީގައި ވެސް ބައްޕައިންގެ ގަދަރު އިތުރުވެގެންދާނެ ކަމެކެވެ.
0%
0%
0%
0%
0%
21 ގަޑިއިރު ކުރި
0
3 ދުވަސް ކުރި
0
3 ދުވަސް ކުރި
0
5 ދުވަސް ކުރި
1
ބިމުގެ ގޮތުން ރާއްޖޭގައި 10 ވަނައަށް އެންމެ ބޮޑު ރަށަކީ ނ.ކެނދިކުޅުދޫއެވެ. މި ރަށުގެ އުތުރާއި ދެކުނުގައި ބަދަހި ގުޅުމެއް އޮތް ދެ އަވަށެއް އޮވެއެވެ. އަވަށު ވާދަވެރިކަން މިހާރު ފެންނަން އޮތްލެއް ކުޑަ ނަމަވެސް ތާރީހުގައި އެކި ފަހަރުމަތިން ދެ އަވަށުގެ ވާހަކަ އައިސްފައި ހުރީ ތަފާތު ގޮތަކަށެވެ.
24 މާރިޗު 2025
2
ބިމުގެ ގޮތުން ރާއްޖޭގައި 10 ވަނައަށް އެންމެ ބޮޑު ރަށަކީ ނ.ކެނދިކުޅުދޫއެވެ. މި ރަށުގެ އުތުރާއި ދެކުނުގައި ބަދަހި ގުޅުމެއް އޮތް ދެ އަވަށެއް އޮވެއެވެ. އަވަށު ވާދަވެރިކަން މިހާރު ފެންނަން އޮތްލެއް ކުޑަ ނަމަވެސް ތާރީހުގައި އެކި ފަހަރުމަތިން ދެ އަވަށުގެ ވާހަކަ އައިސްފައި ހުރީ ތަފާތު ގޮތަކަށެވެ.
1 މާރިޗު 2025
1
ބިމުގެ ގޮތުން ރާއްޖޭގައި 10 ވަނައަށް އެންމެ ބޮޑު ރަށަކީ ނ.ކެނދިކުޅުދޫއެވެ. މި ރަށުގެ އުތުރާއި ދެކުނުގައި ބަދަހި ގުޅުމެއް އޮތް ދެ އަވަށެއް އޮވެއެވެ. އަވަށު ވާދަވެރިކަން މިހާރު ފެންނަން އޮތްލެއް ކުޑަ ނަމަވެސް ތާރީހުގައި އެކި ފަހަރުމަތިން ދެ އަވަށުގެ ވާހަކަ އައިސްފައި ހުރީ ތަފާތު ގޮތަކަށެވެ.
21 ގަޑިއިރު ކުރި
0
ބިމުގެ ގޮތުން ރާއްޖޭގައި 10 ވަނައަށް އެންމެ ބޮޑު ރަށަކީ ނ.ކެނދިކުޅުދޫއެވެ. މި ރަށުގެ އުތުރާއި ދެކުނުގައި ބަދަހި ގުޅުމެއް އޮތް ދެ އަވަށެއް އޮވެއެވެ. އަވަށު ވާދަވެރިކަން މިހާރު ފެންނަން އޮތްލެއް ކުޑަ ނަމަވެސް ތާރީހުގައި އެކި ފަހަރުމަތިން ދެ އަވަށުގެ ވާހަކަ އައިސްފައި ހުރީ ތަފާތު ގޮތަކަށެވެ.
17 މާރިޗު 2025
0