މިއަދަކީ ރާއްޖޭގެ ލާމަރުކަޒީ ހިންގުމަށް ބޮޑު ދުވަހެކެވެ. އެންމެ ދެކުނުގެ ލާމަރުކަޒީ ހިންގުން އަބަދުވެސް އޮތީ، އެހެން އަތޮޅުތަކާ ތަފާތުކޮށެވެ. މާލެ ނަގާފައި އެންމެ އާބާދީ ބޮޑު އަތޮޅަށް ވާތީ އެވެ. ހަތަރު ރަށެއް ގުޅިފައި އޮންނާތީ އާއި ކަނޑުން ދަތުރުކުރަނީ ޖެހެނީ ހުޅުމީދޫން ގުޅިފައިވާ ރަށްތަކާ ދެމެދު އެކަނި ވީމަ އެވެ.

އިދާރީ ގޮތުން އެއް ސިޓީ ކައުންސިލަކުން ހިންގޭނެ ކަމަށް ދެކިގެނެވެ. ނަމަވެސް ހިޔާލުތަފާތުވުންތަކެއް އައިސްގެން، ހުޅުދޫ އާއި މީދޫ އަދި ފޭދޫގައި މިއަދު ފެންނަ ނުފެންނަ ވޯޓެއް މި ނަގަނީ ސިޓީ ކައުންސިލުން ވަކިވުމަށެވެ. އެއިން ކޮންމެ ރަށެއްގައި ރަށު ކައުންސިލެއް ހެދުމާ ގުޅޭ ގޮތުންނެވެ. 

އެކަމަކު މަރަދޫއަށް މި ފުރުސަތެއް ނުލިބެ އެވެ. މަރަދޫފޭދޫއަށް ވެސް ނެތެވެ. ހިތަދޫ އެއީ ވެރިރަށަށް ވެފައި، އެ ރަށް އެކަނި ސިޓީއެއް ލަގަބު އެރުވޭ ވަރަށް އަބާދީއެއް އޮތުމުން ވޯޓު ނުނަގާ ފަރުޖައްސާލެވިދާނެ އެވެ. އެކަމަކު މި ބުނާ ދެ ރަށުގައި ވޯޓު ނަގަންވާނެ ނޫން ހެއްޔެވެ؟

ސޯޝަލް މީޑިއާގައި ގިނަ ބަޔަކު އެކަމާ ނުރުހި ހިޔާލުފާޅުކޮށްފައިވެ އެވެ. އެއީ އިންސާފެއް ނޫން ކަމަށް ބުނެ އެވެ. ސަރުކާރުން ބުނާ ގޮތުގައި އެއީ ބަދަލަކަށް އެދި ސަރުކާރަށް ހުށަހެޅި ރަށްތަކެއް ނޫނެވެ. އެހެން ނަމަވެސް އެ ރަށްތަކަށް ވެސް މިއިން އަސަރު އެބަ ކުރެ އެވެ. އެހެންވީމާ މި ބޭއިންސާފު ވޯޓަކަށް ވެދާނެ އެވެ.