ތުލުސްދޫ އާއި ވ. ތިނަދޫގައި ކާމިޔާބު ޝޯތަކެއް ދިނުމަށްފަހު އީދު ޝޯތަކުގެ 3 ވަނަ މަންޒިލަށް 1438 ހިނގައްޖެއެެވެ.

3 ވަނަ  މަންޒިލެއްގެ ގޮތުގައި 1438 އިން ދިޔައީ އއ. ބޮޑުފޮޅުދޫ އަށެވެ. މި ރަށުގައި ސަގާފީ ޝޯގެ އިތުރުން ވެސް ޝޯ އެއް ދިނުމަށް ހަމަޖެހިފައިވެއެވެ. މި ސަގާފީ  ޝޯގައި ދަފި ނެގުމުގެ އިތުރުން ދަނޑި ޖެހުން ކުރިއަށް ގެންދާނެއެވެ. 

ވ.ތިނަދޫ ޝޯގެ ތެރެއިން/ ފޮޓޯ:1438

ވ.ތިނަދޫ ގައި ކުރިއަށް ގެންދިޔަ ޝޯއަށް ވެސް އާންމުންގެ ފަރާތުން ވަރަށް ބޮޑު ތަރުހީބެއް ލިބިފައިވެއެވެ. 

މި ޓީމުން ދެން މި އީދުގައި ދިއުމަށް ހަމަޖެހިފައިވަނީ ކ. ހުރާ އަށެވެ. ހުރާގައި ދިނުމަށް ހަމަޖެހިފައިވަނީ ހަމައެކަނި ސްޓޭޖް ޝޯއެވެ. މި އީދުގައި 1438 ޓީމުން ޖުމްލަ 4 ރަށަކަށް ދަތުރުކުރާނެއެވެ.

މިއީ މި ވަގުތު ރާއްޖޭގެ އެންމެ ކާމިޔާބު އެއް އެއް ބޮޑުބެރު ގްރޫޕެވެ. "1438" އިން ވަނީ ހުޅުމާލޭ ސެންޓްރަލް ޕާކުގައި ފަހުން ބޭއްވި ދިވެހިންގެ އުފެއްދުންތެރިކަމުގެ މައުރަޒު 2025 ގައި ހިމެނޭ "ބޮޑުބެރު ޗެލެންޖް" ވެސް ކާމިޔާބުކޮށްފައެވެ.އެ ޓީމުން ބޮޑުބެރު ޗެލެންޖު ކާމިޔާބު ކުރީ ހަ ޓީމަކާ ވާދަކޮށްގެންނެވެ.