ކޯސްތަކުގެ އިންޓާޝިޕުން އަގެއް ނުދޭ؛ މި އުޖޫރައެއް ނުދީ މަސައްކަތް ކުރުވުން!

Course thaku ge internship in ageh nudhey; Mi ujoora eh nudhee masakkaiy kuruvun!

ގައުމީ ޔުނިވާސިޓީގެ ދަރިވަރުންތަކެއް އެ ޔުނިވާސިޓީގެ ހަރަކާތެއްގައި - ފޮޓޯ: މުހައްމަދު ނާއިލް ހުސައިން / ކުރިއަށް މީޑިއާ

ރިޕޯޓް

އޭނާއަކީ ގައުމީ ޔުނިވާސިޓީގެ ޕިޒިއޯތެރަޕީގެ ފުރަތަމަ ޑިގްރީ ހާސިލްކުރުމަށް މަސައްކަތްކުރަމުންދާ ދަރިވަރެކެވެ. ރުޝްދާން މުހައްމަދު މިއަދު ފޭސްބުކްގައި ލިޔުނީ އާދައިގެ ވާހަކައެއް ނޫނެވެ. ޕޯސްޓްގެ ލިޔުން ފަށަނީ ވެސް މާ ދިގު ޕޯސްޓަކަށް ވާތީ ގިނަ ބަޔަކު ނުކިޔަސް، ގިނަ ބަޔެއްގެ ތާއީދު ނުލިބުނަސް ދަރިވަރުންގެ ހައްގުގައި ވާހަކަ ދައްކާނޭ ކަމަށް ބުނަމުންނެވެ.

އެ ޕޯސްޓު 100އަށް ވުރެ ގިނަ މީހުން ޝެއާކޮށްފައިވެ އެވެ. 100އަށް ވުރެ ގިނަ މީހުން ރިއެކްޓް ވެސް ކޮށްފައިވެ އެވެ. އެންމެ މީހެއްގެ ޕޯސްޓަކަށް ވިޔަސް އޭގައި ލިޔެފައިވަނީ އެތައް ޒުވާނުންގެ ހިތުގެ އުދާހެވެ. މުސްތަގުބަލު ބިނާ ކުރުމުގެ ނިޔަތުގައި މަތީ ތައުލީމު ހާސިލްކުރަން އުޅޭ އެތަައް ދިވެއްސެއްގެ ވާހަކަ އެވެ.

އެއީ ގިނަ ކޯސްތަކުގައި ފުރިހަމަކުރަން އޮންނަ ތަމްރީނުގެ ބަޔެކެވެ. އިންޓާންޝިޕްގެ ގޮތުގައި ކުރަން ޖެހޭ މަސައްކަތެވެ. ތަމްރީނުވުމަށް އެއީ މުހިންމު ކަމެއް ކަން ރުޝްދާން ވެސް ގަބޫލުކުރެ އެވެ. އެ ކަމަށް ހޭދަކުރަން ޖެހޭ ވަގުތު ގިނަ ކަމުން، އެ ކަން ރަނގަޅަށް ކުރަން ވެސް ބޭނުންވާތީ އެ ނިޔަތުގައި ވެސް އޭނާ ކުރިން އާމްދަނީ ހޯދަމުން ދިޔަ ވަޒީފާ ދޫކޮށްލީ ވެސް އޭގެ މުހިންމު ކަން ވަޒަން ކުރެވޭތީ އެވެ.

އެކަމަކު އޭގައި އޭނާގެ ޝަކުވާއަކީ އެއިން އެއްވެސް އަގެއް ނުދޭތީ އެވެ. އިންޓާންޝިޕަކަސް ކުރަނީ ވަޒީފާއެއްގައި ކުރަން ޖެހޭހާ ބުރަ މަސައްކަތެކެވެ. ރުޝްދާން ފަދަ ގިނަ ދިވެހީން މާލޭގައި އުޅެނީ ކުއްޔަށެވެ. ބައެއް މީހުންނަކީ އާއިލާއާ ވެސް ދުރުގައި ހޮސްޓެލްސްއާއި ރޫމް އެކޮމޮޑޭޝަންތަކުގައި އުޅޭ މީހުނެވެ. ބައެއް ހޮސްޓެލްސްތަކުން ކާންބޯނެ އެއްޗެއް ވެސް ނުލިބެ އެވެ. ކައްކާނެ ގޮތެއް ނުހުންނަ އެފަދަ ތަންތަން ވެސް އެބަ އުޅެ އެވެ. ވީއިރު އިންޓާންޝިޕްގެ ދިގު މުއްދަތުގައި އުޅެނީ ނިކަމެތި ހާލުގައި ކަމަށް ރުޝްދާން ބުންނެވެ.

"އިންޓާންޝިޕް ފަށާ ހިސާބުން އެބަ ޖެހޭ އާމްދަނީ ލިބޭ ހަމައެކަނި ގޮތަކަށް އޮތް އޭރަކު އަދާކުރާ ވަޒީފާ ވެސް ދޫކޮށްލަން. އިންޓާންޝިޕަށް ފޯކަސް ކުރެވޭތޯ. ވަޒީފާއަކާއި އިންޓާންޝިޕެއް އެއްފަހަރާ ބެލެންސް ކުރުމަކީ ނުވާނެ ކަމަަށް ވާނެ ކަން އެނގޭތީ. މި އިންޓާންޝިޕަށް އަށް ގަޑިއިރު، ބައެއް ފަހަރު އެއަށްވުރެ ވެސް ގިނަ އިރު މަސައްކަތް ކުރާއިރު ވެސް އެއްވެސް މުސާރައެއް ނުލިބޭ،"

މިދަނޑިވަޅުގައި މިއީ ހަމައެކަނި އިންޓާންޝިޕެއް ނޫން، މުސާރަ ނުލިބޭ ލޭބަރެއް!

ރުޝްދާން / ޔުނިވާސިޓި ދަރިވަރެއް


އިންޓާންޝިޕްތައް ޑިޒައިން ކުރެވޭނެ ގޮތެއް އޮންނަން ޖެހޭނީ ދަރިވަރުންނަށް މަދުވެގެން ކޮންމެވެސް ވަރެއްގެ ބަދަލެއް ލިބޭ ގޮތަށް ކަމަށް އޭނާ ބުންޏެވެ. 

"މުސްތަޤްބަލް ބިނާކުރުމަށް އިންޓާޝިޕަށް އެތައް ވަގުތެއް މި ހޭދަކުރަނީ. އެކަމަކު ކޮން އަގަކަށް ހެއްޔެވެ؟

ރުޝްދާން / ޔުނިވާސިޓި ދަރިވަރެއް

އެމްއެންޔޫއިން ތަޢުލީމަށް އިންވެސްޓްކުރާތީ އެ ކަން ހެޔޮ ހިތުން ގަބޫލުކުރާ ކަމަށް ވެސް އޭނާ ބުންޏެވެ. ތަމްރީނަށް އެ މުއައްސަސާއަށް ވަރަށް ބޮޑު އަދަދެއް ހޭދަކުރާ ކަމީ ގަބޫލު ކުރާ ހަގީގަތެކެވެ. އެ ކަމަށް އިހުތިރާމުކޮށް ޔުނިވާސިޓީން ކުރާ މަސައްކަތްތައް ވެސް ބަލައިގަންނަ ކަމަށް ވެސް ލިޔުނެވެ.

ނަމަވެސް އިންޓާންޝިޕްގައި ގިނަ ދަރިވަރުންތަކެއް މާލީ ގޮތުން ދަތިވާ ކަމުގެ ހަގީގަތަކީ ވެސް އޮތް ކަމެކެވެ. މި ޖީލުން މި ތަހައްމަލުކުރާ ދަތި ހާލަތު އަންނަން އޮތް ޖީލުން ކުރާކަށް ރުޝްދާން ބޭނުމެއް ނުވެ އެވެ. ރުޝްދާނާ އެއްބަސްވެ ފޭސްބުކްގައި އެ ޕޯސްޓް ޝެއާކުރާ އެތައް ޒުވާނަކު ވެސް އެ ބުނަނީ އެ ވާހަކަ އެވެ.

"ކުރިއަށް އޮތް އަހަރުތަކުގައި ކިޔަވަން ފަށާ އާ ބެޗުތަކުގެ ދަރިވަރުންނަށް މި އަށް ވުރެ ރަނގަޅު ގޮތެއް ހެދުމަށް ގޮވާލަން."

ލިޔުން ޙިއްސާ ކުރައްވާ

0 ކޮމެންޓްސް, 0 ރިއެކްޝަންސް

Haha
Haha

0%

Love
Love

0%

Sad
Sad

0%

Like
Like

0%

Dislike
Dislike

0%

މަގުބޫލް ލިޔުންތައް

BREAKING: Rasdhoo gai kotari eh roave 2 meehaku fihijje

ރަސްދޫގައި ކޮޓަރިއެެއް ރޯވެ ދެ މީހަކު ފިހެއްޖެ

2

Fannuveri visnunthakaaeku ‘Kuriah’  launchkohfi

ފަންނުވެރި ވިސްނުންތަކާއެކު 'ކުރިއަށް' ލޯންޗުކޮށްފި

1

Neyvaa nulevigen aadheyskurumunves oxygen gulhainudhin, furaana ah nurakkave ventilatorah!

ނޭވާ ނުލެވިގެން އާދޭސްކުރުމުންވެސް އޮކްސިޖެން ގުޅައިނުދިން، ފުރާނައަށް ނުރައްކާވެ ވެއްޓިލޭޓަރަށް!

0

SR ge Bey; Amillavantha Music ge Baanee Akah

އެސްއާރުގެ ބޭ؛ އަމިއްލަވަންތަ މިއުޒިކްގެ ބާނީއަކަށް

0