އެޕަލްއިން އެންމެ ފަހުގެ އެމް 4 ޗިޕް ހިމެނޭ އައު މެކްބުކް އެއަރ ތަޢާރަފުކޮށް

Apple In Emme Fahuge M4 Chip Himeney Aa Macbook Air Thaaraf Kohfi

ވިޔަފާރި

އެޕަލް އިން ބުދަ ދުވަހު އައު އެމް4 ޗިޕް އަދި އާޓިފިޝަލް އިންޓެލިޖެންސް ފީޗަރތަކާއެކު އައު މެކްބުކް އެއަރ މޮޑެލްތަކެއް ތަޢާރަފުކޮށްފިއެވެ. މިއީ ކުރީގެ މެކްބުކްތަކައް އަޅާބަލާއިރު 100 ޑޮލަރުގެ ކުޑަ އަގެއްގައި، ކުންފުނިން ވިއްކުން އިތުރުކޮށް ކަސްޓަމަރުން އެމީހުންގެ ޑިވައިސްތައް އަޕްގްރޭޑްކުރުމަށް ބާރުއެޅުމަށް ނެރުނު އުފެއްދުމެކެވެ.

މި އައު މެކްބުކް އެއަރގައި ހިމެނެނީ އެމް4 ޗިޕްގެ އަވަސް ޕަރފޯމަންސް، 18 ގަޑިއިރާ ހަމައަށް ބެޓަރީ ދެމިހުންނެކަމަށް އެޕަލްއިން ވަނީ ބުނެފައެވެ. އައު 12 މެގަޕީކްސެލްގެ ކެމެރާއެއްވެސް ވަނީ ހިމަނާފައެވެ. . މީގެ އިތުރުން، މި ހުރިހާ ކަމެއްވެސް ހިމެނިފައިވަނީ ތުނި އަދި ލުއި ޑިޒައިނެއްގައެވެ. އައު މެކްބުކް އެއަރ މިހާރު ލިބެން ހުންނާނީ އައު ކުލައެއްގައި - ސްކައި ބްލޫ، މެޓަލިކް ލައިޓް ބްލޫ ކުލައެއްގައި، މިޑްނައިޓް، ސްޓާލައިޓް އަދި ސިލްވަރ ކުލަތަކާއެކުގައެވެ. މިއީ މެކްބުކް އެއަރގެ އެންމެ ރީތި ކުލަތަކެވެ.

 

13 އިންޗީގެ ސްކްރީނާއެކު އައު ސީރީޒްގެ އަންމު އަގަކީ 999 ޑޮލަރެވެ. އަދި 15 އިންޗީގެ މެކްބުކް އެއަރގެ އަގު ފެށޭނީ 1،199 ޑޮލަރުންނެވެ. ޕްރީ-އޯޑަރ ކުރުން ފެށޭނީ ބުދަ ދުވަހުން ފެށިގެންނެވެ. އަދި މާރޗް 12 އިން ފެށިގެން އެޕަލް ސްޓޯތަކުން މި ޑިވައިސްތައް ލިބެން ހުންނާނެއެވެ.

އޭއައި-އެނޭބަލްޑް ޕަރސަނަލް ކޮމްޕިއުޓަރތައް ތަޢާރަފުކުރުމުން، ޕެންޑަމިކް ފަހުގެ ދަށްވުމަކަށްފަހު މިއަހަރު ޕީސީ މާރކެޓް އަލުން ކުރިއަރާނެކަމަށް ބެލެވެއެވެ.
އެޕަލް އިންޓެލިޖެންސްއަކީ ޗެޓްޖީޕީޓީއަށް އެކްސެސްއާއެކު އީމެއިލް، މެސެޖް ލިޔުމާއި ފޮޓޯ އެޑިޓްކުރުން ފަދަ ކަންކަން ކުރެވޭ ފީޗަރތަކެކެވެ.
މި އޭއައި ފީޗަރތަކުގެ ސެޓް ވަނީ ފާއިތުވި އަހަރުގެ ފަހުކޮޅު އެޕަލްގެ އައިފޯން ޑިވައިސްތަކުގައި ތަޢާރަފުކޮށްފައެވެ. އަދި އިތުރު ބޭނުންކުރާ ފަރާތްތައް ހޯދުމަށް ކުންފުނިން ވަނީ އެކި ބަސްތަކާއި ސަރަޙައްދުތަކުގައި މި ޓޫލްތައް ތަޢާރަފުކުރަމުންނެވެ.
އެލްއެސްއީޖީ އިން އެއްކުރި ޑޭޓާއާ އެއްގޮތްވާ ގޮތުގެމަތިން، ހޮލިޑޭ ކުއާޓަރގައި އެޕަލްގެ މެކް ވިއްކުން ހުރީ އެނަލިސްޓުން ލަފާކުރި 7.96 ބިލިއަން ޑޮލަރަށްވުރެ މަތީގައި، 8.99 ބިލިއަން ޑޮލަރުގައެވެ.

 

ހަމައެދުވަހު ވަކިން، ކުންފުނިން ވަނީ އެޕަލްގެ ކުރީގެ ޕްރޮސެސަރ ސިލިކޮންތަކަށްވުރެ ރަނގަޅު ޕަރފޯމަންސްއެއް ދޭނެކަމަށް ވަޢުދުވާ އެމް3 އަލްޓްރާ ޕްރޮސެސަރ ހާމަކޮށްފައެވެ.
ބުދަ ދުވަހު ތަޢާރަފުކުރި އެޕަލްގެ އައު މެކް ސްޓޫޑިއޯ ޕްރޮޑަކްޓްގައި އޮޕްޝަނެއްގެ ގޮތުގައި މި އައު ޕްރޮސެސަރ ލިބެން ހުންނާނެއެވެ. މީގެ ސަބަބުން ކޮމްޕިއުޓަރ ތެރޭގައި 600 ބިލިއަނަށްވުރެ ގިނަ ޕެރަމީޓަރތަކާއެކު ބޮޑެތި ލެންގުއޭޖް މޮޑެލްތައް ރަން ކުރެވޭނެއެވެ.
އޭއައި ޑިވެލޮޕަރުންނާއި، ވީޑިއޯ އަދި ފޮޓޯ އެޑިޓަރުންނަށް އަމާޒުކޮށްފައިވާ އައު މެކް ސްޓޫޑިއޯ ޑިވައިސްތަކުގެ އަގު ފެށޭނީ 1،999 ޑޮލަރުންނެވެ.
އެމް3 އަލްޓްރާ ޗިޕްއާއެކު މެކް ސްޓޫޑިއޯ އަންނާނީ މަދުވެގެން 96 ގިގަބައިޓްގެ މެމޮރީއާއެކުގައެވެ. އަދި އެމް4 މެކްސް ޗިޕްއާއެކު ކޮމްޕިއުޓަރގެ މެމޮރީ ފެށޭނީ 36 ގިގަބައިޓުންނެވެ.

ލިޔުން ޙިއްސާ ކުރައްވާ

0 ކޮމެންޓްސް, 0 ރިއެކްޝަންސް

Haha
Haha

0%

Love
Love

0%

Sad
Sad

0%

Like
Like

0%

Dislike
Dislike

0%

މަގުބޫލް ލިޔުންތައް

BREAKING: Rasdhoo gai kotari eh roave 2 meehaku fihijje

ރަސްދޫގައި ކޮޓަރިއެެއް ރޯވެ ދެ މީހަކު ފިހެއްޖެ

2

Neyvaa nulevigen aadheyskurumunves oxygen gulhainudhin, furaana ah nurakkave ventilatorah!

ނޭވާ ނުލެވިގެން އާދޭސްކުރުމުންވެސް އޮކްސިޖެން ގުޅައިނުދިން، ފުރާނައަށް ނުރައްކާވެ ވެއްޓިލޭޓަރަށް!

0

Fannuveri visnunthakaaeku ‘Kuriah’  launchkohfi

ފަންނުވެރި ވިސްނުންތަކާއެކު 'ކުރިއަށް' ލޯންޗުކޮށްފި

1

SR ge Bey; Amillavantha Music ge Baanee Akah

އެސްއާރުގެ ބޭ؛ އަމިއްލަވަންތަ މިއުޒިކްގެ ބާނީއަކަށް

0