ޑާކް ރެއިން އެންޓަޓެއިންމެންޓުގެ 'އަލްވަދާއު' ފިލްމު އަތޮޅު ތެރޭގެ ރަށްރަށުގައި އެޅުމުގެ ފުރުސަތު ހުޅުވާލައިިފި އެވެ.

ފިލްމުގެ ޓިކެޓް އޮލިމްޕަސް ޓިކެޓް ކައުންޓަރުން ވިއްކަން ފަށާފައިވާއިރު ރަށުގައި ފިލްމު އަޅުވަން ބޭނުންނަމަ 9111164 ނުވަތަ 7743399 އަށް ވައިބާ މެދުވެރިކޮށް މެސެޖުކުރަން ޑާކް އެންޓަޓެއިންމެންޓުން ވަނީ އެދިފަ އެވެ. 

ޑާކް ރެއިން އެންޓަޓެއިންމެންޓުގެ 'އަލްވަދާއު'ގެ ފިލްމަކީ ޝަހުދާ މަހުމޫދު (ޝަހޫ) ލިޔެފައިވާ، އަދި އަލީ ޝަފީއު (ޗިއްޕެ) ޑައިރެކްޓުކޮށްފައިވާ ފިލްމެކެވެ.

އެ ފިލްމުގެ ތަރިންގެ ތެރޭގައި ހިމެނޭ މަރްޔަމް މަޖުދާއާއި ޝަރަފް އަބްދުﷲ ހިމެނެ އެވެ. މި ފިލްމު އޮލިމްޕަހުގައި އަޅުވަން ފަށާނީ އަންނަ ޑިސެމްބަރު މަހުގެ އެއްވަނަ ދުވަހު އެވެ.

އަދި މުހިންމު ރޯލްތަކުން މުހައްމަދު ރަޝީދު (ދަރާ ރަޝީދު)އާއި ޝީލާ ނަޖީބުގެ އިތުރުން އާއިޝަތު ލައިޝާ ލަތީފް ވެސް ފެންނާނެ އެވެ.

ޑާކް ރެއިން އެންޓަޓެއިންމެންޓުން އެންމެ ފަހުން ނެރެފައިވަނީ ފިލްމު "އަލިފާން"އެވެ. އެ ފިލްމަށްވެސް ހޫނު ތަރުހީބެއް ލިބިފައިވެ އެވެ.