އަދަދު ކުޑަކޮށް ދަށަށް ދިޔަސް ފަތުރުވެރި ވަޒީރު އަވަދިނެތި ރާއްޖެ ޕްރޮޮމޯޓްކުރަން

Adhadhu kudakoh dhashah dhiyas fathuruveri vazeeru avadhi nethi raajje promote kuran

އައިޓީބީ ބާލިން ފެއާގައި ފަތުރުވެރި ވަޒީރު އަވަދިނެތި ރާއްޖެ ޕްރޮމޯޓްކުރުމުގައި - ކުރިއަށް މީޑިއާ ފޮޓޯ

ރިޕޯޓް

މިދިޔަ އަހަރުގެ ފެބްރުއަރީ މަހާއި އަޅާ ބަލާއިރު ދިވެހިރާއްޖެއަށް ފަތުރުވެރިން ޒިޔާރަތް ކުރި އަދަދު ކުޑަކޮށް ނަމަވެސް ދަށަށް ގޮސްފިއެވެ. މާ ބޮޑު އަދަދަކުންނެއް ވެސް ނޫނެވެ. ފެބްރުއަރީ 2024ގައި ރާއްޖެއަށް ޒިޔާރަތްކުރި ފަތުރުވެރިންގެ އަދަދަކީ 217،391 އެވެ. މިދިޔަ މަހު އައީ 214،091 ފަތުރުވެރިންނެވެ. %1.5 މަދު އަދަދެކެވެ.

އަހަރުގެ ފުރަތަމަ ދެ މަަހަށް ބަލާއިރު ވެސް ފަތުރުވެރިންގެ އަދަދު މަދެއް ނޫނެވެ. މިދިޔަ އަހަރުގެ ފުރަތަމަ ދެ މަހަށް ވުރެ ވެސް މި އަހަރުގެ ފުރަތަމަ ދެ މަހު ޒިޔާރަތްކުރި ފަތުރުވެރިން ގިނައެވެ. 

އެކަމަކު ވެސް އިގުތިސޯދު މިހާ ތާށީގައި އުޅޭ އިރު ފަތުރުވެރިންގެ އަދަދަށް ކުޑަކޮށް ދަށްވުމެއް އައުން ވާނީ އާންމު މީހުންގެ ވެސް ކަންބޮޑުވުމަކަށެވެ. މި އަހަރާއި އަންނަ އަހަރު ވެސް ދަރަނީގެ ބޮޑު ބަޔެއް ވެސް ދައްކަން އޮތް އިރު އެއް މަހުގެ އަދަދުން ވެސް ދަށްވާކަށް އަހަރުމެން ނޭދޭނެއެވެ.

ކޮންމެ އަކަސް ފަތުރުވެރި ވަޒީރު ތޯރިގު އިބްރާހީމް ހުންނެވީ މި ވަގުތު ވެސް ރަސްމީ ދަތުރުފުޅެއްގަ އެވެ. "އައިޓީބީ ބާލިން" ފެއާގަ އެވެ. އެމަނިކުފާނު ފުރާވަޑައިގެންފައި މިވާ ދަނޑިވަޅުގައި ފަތުރުވެރިންގެ އަދަދު ކުޑަކޮށް ދަށަށް ދިޔަ ނަމަވެސް ވަޒީރު މި ވަގުތު ވެސް އުޅުއްވަނީ ފަތުރުވެރި ސިނާއަތް އެހެން ގައުމުތަކަށް ޕްރޮމޯޓްކުރައްވަން އަވަދި ނެތިއެވެ.

ފަތުރުވެރި ވުޒާރާގެ މީޑިއާ އޮފިޝަލް 'ކުރިއަށް މީޑިއާ'އަށް ވިދާޅުވީ ވަޒީރުގެ މި ދަތުރުން ވެސް ގިނަ ބަދަލުތަކެއް އަންނާނެ ކަމަށެވެ. ރާއްޖެ ޕްރޮމޯޓް ކުރުމަށާއި ފްލައިޓްތައް އިތުރުކުރަން ވަޒީރު ވަރަށް ބުރަކޮށް މަސައްކަތް ކުރައްވަމުންދާ ކަމަށެވެ. އޭގެ ތަފުސީލުތައް ފަހުން ހާމަކުރައްވާނެ ކަމަށް ވުޒާރާގެ އޮފިޝަލް ވިދާޅުވި އެވެ.

ފަތުރުވެރި ވުޒާރާއިން ދަނީ އޭގެ އަދާހަމަތައް ޕޯސްޓް ކުރަމުންނެވެ.

  • ބުކިިން ޑޮޓްކޮމްގެ އިސް ބޭފުޅުންނާ ބައްދަލުކުރައްވައި މަޝްވަރާތަކެއް ކުރެއްވި؛ ރަޖިސްޓްރޭޝަންގެ މައްސަލަތައް ހައްލުކޮށްގެން ގުޅިގެން ކުރެވޭނެ މަސައްކަތްތަކަކާ ގުޅޭ ގޮތުން
  • ޔުނައިޓެޑް ނޭޝަންސް ނުވަތަ އެކުވެރި ދައުލަތްތައް (އދ.) ގެ ފަތުރުވެރި ވަޒީރުންގެ މަހާސިންތާގައި ބައިވެރިވެވަޑައިގެން އިންވެސްމަންޓްތައް ހޯދަން ވާހަކަ ދެއްކެވި
  • ދުބާއީ ނޭޝަނަލް އެއާ ޓްރެވެލް އެޖެންސީ (ޑީއެންޓީއޭ) ގެ އިސް ބޭފުޅުންނާ ބައްދަލު ކުރައްވައި، ގުޅުން ބަދަހިކުރުމަށާއި ފަތުރުވެރިކަން ފުޅާކުރުމަށް އޭވިއޭޝަން ސިނާއަތް ރާއްޖޭގައި ތަރައްގީކުރަން ވާހަކަ ދެއްކެވި
  • ގަތަރު އެއާވޭސްގެ އިސް ބޭފުޅުންނާ ބައްދަލު ކުރައްވައި، ފްލައިޓްތައް އިތުރުކޮށް ކަނެކްޓިވިޓީއާއި އެއާލައިންގެ ގުޅުން ހަރުދަނާ ކުރުމަށް މަޝްވަރާ ކުރެއްވި
  • ޖަރުމަނުން ރާއްޖޭން ސީދާ ފްލައިޓްތައް ބޭއްވުމަށް އަދި ފްލައިޓްތައް އިތުކުރުމަށް، ކޮންޑޯ އެއާލައިންގެ އިސް ބޭފުޅުންނާ ބައްދަލުކުރައްވައި މަޝްވަރާކުރެއްވި
  • ބްރިޓިޝް އެއާވޭސްގެ ބޭފުޅުންނާ ބައްދަލު ކުރައްވައި، ރާއްޖެއަށް ވައިގެ ދަތުރުފަތުރު އަދި ފްލައިޓްތައް އިތުރުކޮށް ހަރުދަނާކުރަން ވާހަކަ ދެއްކެވި

މި ސަރުކާރު އައި ފަހުން ފަތުރުވެރި ވުޒާރާއަށް ފުރަތަމަ އަހަރު ދިން އަމާޒަށް ވާސިލް ވެސް ވި އެވެ. ދެ މިލިއަން ފަތުރުވެރިން ހަމަކުރި އެވެ.

ފަތުރުވެރިކަން ކުރިއަރުވައި އިގުތިސޯދު ރަނގަޅު ކުރުމަށް ކެރެވެން ހުރި މަސައްކަތް ކުރާ މަންޒަރު އެބަ ފެނެ އެވެ. މި މަހު ކުޑަކޮށް ދަށަށް ދިޔަސް، އަދި ފެންނަނީ އުންމީދީ މަންޒަރެކެވެ.

ލިޔުން ޙިއްސާ ކުރައްވާ

0 ކޮމެންޓްސް, 0 ރިއެކްޝަންސް

Haha
Haha

0%

Love
Love

0%

Sad
Sad

0%

Like
Like

0%

Dislike
Dislike

0%

މަގުބޫލް ލިޔުންތައް

BREAKING: Rasdhoo gai kotari eh roave 2 meehaku fihijje

ރަސްދޫގައި ކޮޓަރިއެެއް ރޯވެ ދެ މީހަކު ފިހެއްޖެ

2

Neyvaa nulevigen aadheyskurumunves oxygen gulhainudhin, furaana ah nurakkave ventilatorah!

ނޭވާ ނުލެވިގެން އާދޭސްކުރުމުންވެސް އޮކްސިޖެން ގުޅައިނުދިން، ފުރާނައަށް ނުރައްކާވެ ވެއްޓިލޭޓަރަށް!

0

Fannuveri visnunthakaaeku ‘Kuriah’  launchkohfi

ފަންނުވެރި ވިސްނުންތަކާއެކު 'ކުރިއަށް' ލޯންޗުކޮށްފި

1

SR ge Bey; Amillavantha Music ge Baanee Akah

އެސްއާރުގެ ބޭ؛ އަމިއްލަވަންތަ މިއުޒިކްގެ ބާނީއަކަށް

0