އައްޑޫ ސިޓީގެ ކަރަންޓު މައްސަލައަކީ މިހާރު އެންމެ ގިނައިން ދެކެވޭ އެއް ވާހަކައެވެ. މި ހިނގަމުންދާ ރޯދަ މަހާއި މީގެ ކުރިންވެސް މި މައްސަލައަށް ހައްލު ގެނެވޭތޯ މަސައްކަތް ކޮށްފައިވެއެވެ. އެ މަސައްކަތުން ފުރިހަމަ ހައްލެއް ގެނެވިފައި ނުވާތީ ސަރުކާރުން އަންނަނީ އިތުރު މަސައްކަތްތަކެއް ކުރަމުންނެވެ.

އައްޑޫ ކަރަންޓު މައްސަލަ ހައްލުކުރުމަށް މީގެ ކުރިންވެސް ވަނީ 1.5 މެގަވޯޓްގެ ޖަނަރޭޓަރެއް ގެންގޮސްފައެވެ.

1 މާރިޗުން އަދާ ހަމައަށް: 

• 5 އިންޖީނެއްގެ މޭޖާ ސާވިސްތައް 
• 3 އިންޖީނެއްގެ އޯވަހޯލް މަސައްކަތް 
• 18 އިންޖީނެއްގެ ޕްރިވެންޓިވް މެއިންޓަނަންސް މަސައްކަތް
• 8 އިންޖީނަކަށް ބޭނުންވާ ސްޕެއާ

މި މަސައްކަތް ތަކަކީ މި ވަގުތަށް އައްޑޫ ކަރަންޓުގެ މައްސަލަ ހައްލުކުރުމަށް ކުރެވިފައިވާ ކަންތައްތަކެވެ. އަދި މި ދެންނެވި މަސައްކަތްތައް ސެންޓްރަލް ޕަވާ ސްޓޭޝަންގެ ޓެކްނިކަލް ޓީމުން އެވްރެޖްކޮށް ކޮންމެ ދުވަހަކު 18 ގަޑިއިރު މަސައްކަތް ކޮށްފައިވާ ކަމަށް އައްޑޫ ސިޓީގެ ފެނަކައިން ބުނެފައިވެއެވެ. 

މީގެ އިތުރުން އިތުރަށްވެސް އަންނަނީ ގިނަ މަސައްކަތްތަކެއް ކުރަމުންނެވެ.

އިތުރު މަސައްކަތްތަކުގެ އަދާހަމަ:

• 23 ނަމްބަރު (1،600ކ.ވ) އިންޖީނު މަރާމާތުކޮށް ހިންގައި ހިދުމަތް ދޭން ފަށާފައިވޭ
• 1000ކ.ވ ގެ މުޅިން އާ އިންޖީނެއް ގެނެވިފައިވޭ.
• އިއްޔެ ރޭ ސެންޓްރަލް ޕަވާ ސްޓޭޝަނަށް ވައްދާ އިންސްޓޯލް ކުރުމުގެ މަސައްކަތް ފަށާފައިވާ ކަމަށް ފެނަކައިން މައުލޫމާތު ހިއްސާކޮށްފައިވެއެވެ.
• އިންޑިއާއިން ފުރުވާލެވުނު 1800ކ.ވ ގެ އާއިންޖީނު މިހާރު މާލޭ ބަދަރަށް ގެނެވިފައިވޭ.
• 3 ނަމްބަރު (1800ކ.ވ) އަދި 18 ނަމްބަރު (1600ކ.ވ) އިންޖީނުގެ މަސައްކަތް މިހާރު ކުރަމުންދޭ.

ފެނަކައިން ބުނެފައިވާ އައްޑޫއަށް ދިމާވެފައިވާ ކަރަންޓްގެ މައްސަލަ ހައްލު ކުރުމުގެ ގޮތުން އާ ޖެންސެޓެއް އައްޑޫ ސިޓީއަށް ރޭ ވަނީ ގެންގޮސްފައެވެ.