އޯސީޑީ- ނޭނގި ނަމަވެސް ގިނަ ބަޔަކު ތަހައްމަލުކުރާ ނަފްސާނީ ބައްޔެއް!

OCD- neygi namaves gina bayaku thahahmalukuraa nafsaanee bayyeh!

ލިވިން

ބިރުގަންނަނީއެވެ. ހާސްވަނީއެވެ. ކަންބޮޑުވަނީއެވެ. އެތައް ވިސްނުމަކުން ސިކުނޑި ފުރި ބާރުވެއްޖެއެވެ. މޫނުން ފެންނަނީ މާޔޫސްކަމެވެ. މީހާ ފިނިވެ ތުރުތުރުލާގޮތްވެއެވެ. އަބަދުވެސް ހުންނަނީ ކޮންމެވެސް ހިޔާލީ ދުނިޔެއެއްގައެވެ. ކުރެވޭ ކަންކަން ގިނަ ފަހަރު ހަނދާނުން ކައްސާލައެވެ. ދެންމެ ކުރި ކަމެއްވެސް ހަނދާންނެތިދާނެއެވެ. މިސާލަކަށް އެއްޗެއް ބޭއްވުނުތަން ހަނދާނުން ކައްސާލައިފާނެއެވެ. ދެވަނަ ފަހަރަށް އެކަން ޔަގީންކުރަން ބޭނުންވެެއެވެ. ތަރުތީބަކުން ކަންކަން ވާން ބޭނުންވެއެވެ. ކިރިޔާވެސް އެއާ އިދިކޮޅަށް ކަމެއްވާނަމަ ތަސައްލީއެއް ނުލިބެއެވެ. ހިތްއެދޭ ގޮތަށް ކަމެއް ނުވެދާނެކަމުގެ ބިރު އަބަދުވެސް އިދެއެވެ. މިވަނީ ކީއްހެއްޔެވެ؟ މިއީ އަހަންނަށް އެކަނި ކުރިމަތިވާ ކަމެއް ހެއްްޔެވެ؟

އަހަންނަށް ކުރިމަތިވާ ކަންކަން ޑަކްޓަރީ ނަޒަރަކުން ވިސްނާ ނަމަ އަހަރެން ގޮސް ބައިންދަނީ އޮބްސެސިވް ކޮމްޕަލްސިވް ޑިސްއޯޑަރާ (އޯސީޑީ) ގެ ގޮނޑީގައެވެ. އެ ގޮނޑިން ތެދުވަން ކިތަންމެހާވެސް ބޭނުމެވެ. ތެދުވެ ދުއްވައިގަންނަން ބޭނުމެވެ. ނަމަވެސް އަތެއް ފަޔެއް ގުޑުވައެއް ނުލެވެއެވެ. މި ކަމަށް މޮޅު ފަންޑިތައެއް އެބައޮތްހެއްޔެވެ؟ ނުވަތަ މިއީ އަހަރެންގެ ތަގުދީރުހެއްޔެވެ؟ ޖަވާބު ސާފެވެ އޯސީޑީ އަކީ އެކަށޭނަ ގޮތެއްގައި ފަރުވާކުރެވިއްޖެނަމަ ރަނގަޅުކުރެވޭނެ ބައްޔެކެވެ. މައިގަނޑު ގޮތެއްގައި ދޭ ފަރުވާ އަކީ ބޭހުގެ އިތުރުން ސައިކޯތެރަޕީ އެވެ. އޯސީޑީ ބައެއް ފަހަރު ބައެއް މީހުންނަށް އެއްކޮށް ރަނގަޅުނުކުރެވުނަސް ބޭހާއި، ސައިކޯތެރަޕީގެ އެހީގައި ބަލީގެ އުދަނގޫ ކުޑަކުރެވެއެވެ.

އޯސީޑީއަކީ ކޮބާ؟ 

އޮބްސެސިވް ކޮމްޕަލްސިވް ޑިސްއޯޑާ (އޯސީޑީ)އަކީ ނަފްސާނީ ބައްޔެކެވެ. މިއީ ތަކުރާރުކޮށް ނުތަނަވަސް ކުރުވަނިވި ނުވަތަ އުނދަގޫ ކުރުވަނިވި ހިޔާލުތަކެއް އަދި ބައެއް ފަހަރު އެ ފަދަ ހިޔާލުތަކުގެ ސަބަބުން ތަކުރާރުކޮށް ބައެއް ކަންކަން ކުރުމަށް މެދުވެރި ކުރުވާ ނަފްސާނީ ބައްޔެކެވެ. މީގައި ހިމެނެނީ މައިގަނޑު ދެބަޔެކެވެ. އެއީ" އޮބްސެޝަން" އަދި "ކޮމްޕަލްޝަން" އެވެ. އޮބްސެޝަން އަކީ ބޭއިހްތިޔާރުގައި ތަކުރާރުކޮށް ވިސްނުމަށް އަންނަ (ސިކުނޑިއަށް ވަންނަ) ނޫނީ ވިސްނުމުގައި ހުންނަ ބޭނުންނުވާ، ނޭދެވޭ ނުވަތަ ގަޔާނުވާ ހިޔާލުތަކާއި ނޫނީ ބޭކާރު ވިސްނުންތަކާއި ފިކުރުތަކާއި ހީކުރުން ނޫނީ ބިރުގަތުން ތަކުގެ ސަބަބުން ކުރިމަތިވާ ނުތަނަވަސްކަމާއި ހިތްހަމަނުޖެހުމާއި ތުރާލާއި އުދަނގޫތަކެކެވެ.

ކޮމްޕަލްޝަން އަކީ ތަކުރާރުކޮށް ކުރެވޭ އެކިކަންތައްތަކެވެ. ނޫނީ ތަކުރާރުކޮށް ވިސްނުމަށް އަންނަ ބޭކާރު ހިޔާލުތަކާއި ފިކުރުތަކުގެ ކުރިމަތިވާ ހިތްހަމަނުޖެހުމާއި ނުތަނަވަސްކަން (އޮބްސެޝަންގެ ސަބަބުން އަންނަ ނުތަނަވަސްކަން) ކުޑަކޮށް އެކަމަށް ލުއިކަން ހޯދުމުގެ ގޮތުން ނޫނީ ދުރުހެލިވުމުގެ ގޮތުން އަމިއްލައަށް ތަކުރާރުކޮށް ކުރެވޭ ކަންތައްތަކެވެ. ނުވަތަ ކަންކަމެވެ. 

އޯސީޑީ މެދުވެރިވާ ސަބަބު

އޯސީޑީ ޖެހެން މެދުވެރިވާ ސީދާ ސަބަބުތަކެއް ހޯދިފައިނުވާއިރު އެ ބައްޔަކީ ވަރަށް ބޮޑަށް ވާރުތަކުރާ، ބައިލޮޖިކަލް ބައްޔެކެވެ. އާންމުކޮށް އޯސީޑީ ޖެހެނީ ކަންކަން ވަރަށް ފުރިހަމަކޮށް ކުރަން ބޭނުންވާ މީހުންނަށެވެ. ހަޔާތުގައި ދިމާވެފައިވާ ބައެއް ކަންކަމުގެ ސަބަބުންވެސް މިސާލަކަށް ދިރިއުޅުމުގައި ދިމާވާ ފިއްތުންތައް ނޫނީ ދިމާވާ އެކި ކަހަލަ ހާދިސާތަކުގެ ސަބަބުންވެސް މީހުންނަށް އޯސީޑީ ކުރިމަތިވެ އެވެ. އެގޮތުން ބުލީކޮށް އެކަމުގެ ޝިކާރަޔަކަށް ވެފައިވާ މީހުންގެ މެދުގައި އަދި އެކި އެކި ގޯނާ އާއި ފުރައްސާރަ ލިބިފައިވާ މީހުންގެ މެދުގައްޔާއި ލޯބީގައި އެކިކަހަލަ ބަދުނަސީބުވެރި ކަންކަން ކުރިމަތިވެފައިވާ މީހުންނަށް އޯސީޑީ ގިނަ ކަމަށް ފާހަގަ ކުރެވެ އެވެ.


އޯސީޑީ ހުންނަ މީހެއްގެ ކިބައިން ފެންނާނެ އަލާމާތްތައް

އޯސީޑީގެ އަލާމާތްތައް ބެހިގެންދަނީ ދެ ބަޔަކަށެވެ. އެއި އޮބްސެޝަންގެ ހާލަތުގައި ފެންނަ އަލާމާތްތަކާއި، ކޮމްޕަލްޝަން ގެ ހާލަތުގައި ފެންނަ އަލާމާތްތަކެވެ. 

ކޮމްޕްލަޔަންސްގެ ހާލަތުގައި ފެނިދާނެ އަލާމާތްތައް

  • ބައްޔެއް ވެދާނެތީ ބިރުން އުޅުން
  • ޝައްކުވުން
  • ކަންކަން ވަކި ތަރުތީބަކުން ކުރަން ބޭނުންވުން
  • ކޮންޓްރޯލް ގެއްލި އަމިއްލަ ނަފުސަށް ނޫނީ އެހެން މީހަކަށް އަނިޔާކުރެވިދާނެކަމަށް ހީވުން
  • ހާސްވެ ކަންބޮޑުވުން 
  • ބޭކާރު ޚިޔާލުތައް ކުރެވުން

އޮބްސެޝަންގެ ހާލަތުގައި ފެނިދާނެ އަލާމާތްތައް 

  • ދޮވުން /ސާފުކުރުން
  • ޗެކުކުރުން
  • ގުނުން
  • ތަރުތީބުތޯ ބެލުން
  • ދިރިއުޅުމުގެ ކަންކަން ވަކި ގޮތަށް ރޭވުން
  • ޔަގީންކޮށް ކަށަވަރުކުރުމަށް ބާރުއެޅުން ނޫނީ ޑިމާންޑްކުރުން
     

ލިޔުން ޙިއްސާ ކުރައްވާ

0 ކޮމެންޓްސް, 0 ރިއެކްޝަންސް

Haha
Haha

0%

Love
Love

0%

Sad
Sad

0%

Like
Like

0%

Dislike
Dislike

0%

މަގުބޫލް ލިޔުންތައް

BREAKING: Rasdhoo gai kotari eh roave 2 meehaku fihijje

ރަސްދޫގައި ކޮޓަރިއެެއް ރޯވެ ދެ މީހަކު ފިހެއްޖެ

2

Neyvaa nulevigen aadheyskurumunves oxygen gulhainudhin, furaana ah nurakkave ventilatorah!

ނޭވާ ނުލެވިގެން އާދޭސްކުރުމުންވެސް އޮކްސިޖެން ގުޅައިނުދިން، ފުރާނައަށް ނުރައްކާވެ ވެއްޓިލޭޓަރަށް!

0

Fannuveri visnunthakaaeku ‘Kuriah’  launchkohfi

ފަންނުވެރި ވިސްނުންތަކާއެކު 'ކުރިއަށް' ލޯންޗުކޮށްފި

1

SR ge Bey; Amillavantha Music ge Baanee Akah

އެސްއާރުގެ ބޭ؛ އަމިއްލަވަންތަ މިއުޒިކްގެ ބާނީއަކަށް

0